ADVERTISEMENT

This area is available for advertisement. Please contact for details.

Arnivang
Get Adobe Flash player

Congress kachari kechokche ajoinesi Chinthong ahavar kapaphi

Chinthong, Pre 11: Chinthong MAC Constituency angkang ningkan 14 Congress ratpangri kachari ahut Chinthong ahavar kapachingthur thekthe, tovar, ron-grup meh lang, kadure pen rat kisung kachechak nang ke KAAC a EM Prodip Rongpi le akechokche kali, lake Congress high command atumsi kechokche. Athe Congress kachari ahut Prodip Rongpi aphan EM pek puseta aning kehang aling paklem longle lapen keklem aphan thangnat ajakong pipe.
Congress atum ke ladak KAAC along kapadoprong EM atum aphan ke amensi en chot pen aprang parjap lun chot, kado kave ke angsong pensi nang chari dun bom. Laso ateng Prodip Rongpi aphan EM pek puseta aning hang aling paklem longle pusi ajahak kacherok tok atum pherangke athengno ningje.
Chinthong MAC Prodip Rongpi aning kehang ateng kachingthur asai keklem longle det ajoinesi havar paphi dunhup lo, seta alangli Chinthong arat aphan mathasi BJP along atoi-ani ri-alok cheponsi chingbe dun pen EM ta chepalong dun lo. Non alangli BJP along kedo dun pen EM chepalong dun lok aphi Upper Chinthong lapen Lower Chinthong ahavar tovar selamsi rat aphan aning pangsam lo. Tovar kaselam pen rat atum joike kedam kevang avarsai kelong apot rat atum pen EM Prodip Rongpi aphan kachoro pajir.
Rat atum pen Karbi Anglong Autonomous Council a CEM Tuliram Ronghang Chinthong arat aphan ingjinso lapen kanghon kedokok ajok Prodip Rongpi aphan EM peksi lapuson Chinthong ahavar kapachingthur asai kapaklem long apot Chinthong arat atum CEM Tuliram Ronghang aphanta kachoro pajir. Lasi alanglitum kapaphihup Chinthong ahavar kapachingthur asai keklem apot kaike ta ahirjume pado nang pusi bang hini CEM Tuliram Ronghang pen EM Prodip Rongpi atum aphan kurvangthu pajir pusi Chinthong ahavar kedo BJP klembang atum birta nangpale.

Leave a Reply

Your email address will not be published. Required fields are marked *

October 2018
M T W T F S S
« Sep    
1234567
891011121314
15161718192021
22232425262728
293031  
Archives