ADVERTISEMENT

This area is available for advertisement. Please contact for details.

Arnivang
Get Adobe Flash player

Arunachal along IAF Mi-17 chopper men-men kapasun, arlo kedo bang 16 ta jok et lang

NEW DELHI, Pre 11: Indian Air Force chopper routine mission keklem ahut pini arnikangsam apor Arunachal Pradesh along men-men kapasaun.
Arunachal Pradesh arlo Tuting asanchom alongsi Mi-17 helicopter men-men kapasaun.
Chopper arlo bang 16 do. Kopai keme bang 16 ta apran jokchit lang.
Laso a helicopter routine mission aphan Assam, Jorhat alongri pensi Arunachal Pradesh, Tuting an kedam.
Botor keme lapen AIF base alongpen ta lam kachingki kachele ledet ajoksi men-men pasun nangkok lo pusi IAF than.
Jangmi achiklo ta Uttarakhand arlo Kedarnath mondir adung ihum Mi-17 helicopter men-men kapasun nang ajok kanahok dolo. Mi-17 helicopter Army ahormu Kedarnath an kethon dam helipad along kapasun ahutsi meh kecho. Laso ahut kachethap dun bang nerkep do. Passenger bang trok, pilot lapen co-pilot. Kopai keme bang nerkep ta areng apran chot chit lang.

Leave a Reply

Your email address will not be published. Required fields are marked *

October 2018
M T W T F S S
« Sep   Nov »
1234567
891011121314
15161718192021
22232425262728
293031  
Archives