ADVERTISEMENT

This area is available for advertisement. Please contact for details.

Arnivang
Get Adobe Flash player

Adunthu arni Majuli along BJP klembang amai kangni

GUWAHATI, Pre 11: BJP state ameiphu Ranjit Kumar Das chepahemphusi pini adunthu arni BJP state klembang amai pangni. Mai along BJP tiri jabang Ram Lal, chief minister Sarbananda Snowal, minister atum Dr. Himanta Biswa Sarma, Rajen Gohain, Parimal Suklaboida, MP Bijaya Chakraborty pen Romen Deka, MLA Ranoj Pegue pen danglok ongdung BJP jabang atum chetong dun. Adap porphai kep pen Majuli College along kapangni klembang amai along BJP tiri jabang Ram Lal kaningje ke, rat ke isi kangtangkring lapen jakong kedo aratpangrisi kiri. Non apor ahut prime minister Narendra Modi inut kangtangkring ajakbang pu angthek chepaklang daklo lapen India adet aphan pirthe adangpi along aman pathe dunlo. Nelitum aphan kijui raplin (doll) a prime minister nangne, inut kangtangkring lapen kachari keme a prime minister abangsi kenangsot. BJP along anuttin klembangphu-bangphi atumta ning chethe thip pensi India adet pirthe adangpi along pachethang dunthek nangpo pusi ningje. Chief minister Sarbananda Sonowal kejaike, kacharvo pen kali ning isivet kachinghon seroi pensi Assam mate India adet aphan mesen pachingthur unji. Hamphang along jakong kavenai aphan jakong kipi henlo prime minister Narendra Modi kachari BJP Assam pajirpo aratpangri kemang. BJP aratpangri kemang kethenai abangke kachopanglim pavirsi isi kangthimlim kapamanji aphan henlo. Congress atum a-ot ke kachopanglim lapen BJP a-ot ke ning isivet pen kedo thek henlo. Ningkan trokep chari det aphita Congress atum kapachingthur mate ale kapado ahi klem thekthe detlo setame BJP aratchari ke kachingthur lapen ale kapado ahinsi klembom lo. Kapachingthur ahin prime minister Narandra Modi kejalin along nelitum kacherap dun longke kopailo pusi alangli prime minister Narendra Modi aphan kachoro pajir. Chief minister Sonowal kaningje thuke, state along industry ahin kapachingthurji aphan Advantage Assam aphi Assam along non amatke sika 8000 crore atangka padam lo. Lahai kachingthur asai kedeng along penang an atumke kapatikuk dunji aphan kabor-i dolo, lasi halahai atum aphan terek et nangpo pusi ningje.  NRC amen pen ahokpet India amonit aphan ongdung atum kapasiksak dunji aphan bor-i bomlo setame laso along madu India amonit atum setame kamatha chepasung nangne. Assamese akhei atum batai 17 Mugal aphan paremlo. Mahabir Lachit Borphukan lapen thedung Assamese armu jongsi ave pulote Asia adangpi North East ahinke Mugal aridengsi dokok tahai. Halaso Mugal ason jakong langno keklem atum nonta dobomlang. Lasi laso along alar chihui nangpo pusi ningje. BJP ajakong aphan pini opposition ajakong atum kamatha sung nanglo. Alanglitum kapachethang thap pen akaprek ke ajat ta thekthe puta arbok.
Lasonsi BJP state ameiphu Ranjit Kumar Das song along kedo-an anuttin MP, minister, MLA pen danglok kacherap do-an atum rongsopi lapen rong-rup along chepachong damsi rat atum aning kamatha alam humdun nangpo pusi choningri. BJP Assam Pradesh pen “Ojei Bharat Atal Vaspa” pu isi akimi slogan pini pen pangchenglo.

Leave a Reply

Your email address will not be published. Required fields are marked *

October 2018
M T W T F S S
« Sep   Nov »
1234567
891011121314
15161718192021
22232425262728
293031  
Archives