ADVERTISEMENT

This area is available for advertisement. Please contact for details.

Arnivang
Get Adobe Flash player

State BJP klembang amai kangni

State along kapathu ahin chingthur piklo pu kapachetak along Karbi Anglong pen inut amenta pachetak ponpe

GUWAHATI/DIPHU, Pre 10: Pini Majuli along stat BJP klembang amai kangni ahut kapathu lapen jutang ahin penang an chingthurlo pusi pangdak lo.  Mai along kapachetak ke, kedamtang 2016 aningkan Aru achiklo Sarbananda Sonowal Chief Minister arpu dengdet aphi Assam along kapathu ahin kapachingthur dunji aphan pura ardi pisi India adangpi pen kechengsi kapaman dunji aphan manglo. Laso atengsi BJP arartpangri kangni pen kapathu ahin national-international angdeng anta vanlo. Laso angbong under 17 FIFA World Cup kapadoji aphan Guwahati alongsi dim aklong hotlo. AIBP under 17 Women Boxing Championship, Premier Badminton League, 58 National Interestate Senior Athletics Championship heihui aman kedo kacheoate ingsamjin pen pachun lo. Laso ahut Assam pen penang an pathu bangphu bangphi atum un dunsi Assam mate pirthe adang nongnam chibi dunlo. Junior World Athletics along India pen kechengsi Hima Das 400 mitre kekat along ser alek longdun lo. Jakarta Asia Games alongta Hima Das ser isi lapen rup hini longsi Assam aphan aman vanlo. Laso aphi Hridoy Hazarika ahin pen World Shoting Championship along ser anong-eh longdun. Angkushita Bodo ta Guwahati along kedo AIBP under 17 Women World Boxing Championship along ser anong-eh longdun lo. Kechengsi apharman Jakarta Asia Games along Assam pen bangtrok atum India along kapathu dun longji aphah  adim long dunlo. Lason thak thaksi Lovlina Buragohain, Pramila Daimary, Asmita Saliha, Jamuna Bodo, Rimpi Buragohai atum national lapen international along chepate dunsi nongme vanlo. Majuli along kedo bangphi Ranus pague Lokhnoy along kedo national Jevline throw along ser anong-eh long dunlo. Lasi alanglitum aphan chorolo pusio mai along pangdaklo setame isi ningduk meme abangke nonhetjong Malaysia Penang pu adim along kedo Asian Pacafic Master Game along Karbi Anglong pen kachepate dun abangphu bangphi Pakhila Ingtipi, Rajen Rongpi, Sikari, Hanse pen danglok arisangho atum ser-rup anong-eh vansi Karbi Anglong, Assam mate India adet aphan nongme vanlo. Setame pini Majuli along BJP klembang amai kangni along kapathu ahin kethek atum aphan amen kapangdak along Karbi Anglong pen alanglitum amen keho ponpe det abangke ningduk meme alam binong. Laso pen langdam pulote Assam ratpangri atum kaprek-kaprek ahin det kali kapathu along anta nangkeber dun asonlo. Assam arlo dodunkok aphita keplak abangke manghu meme.
Pini amai along Hima Das aphan sika 1 crore 60 lakh, Hridoy Hazarika aphan sika 25 lakh, Angkushita Bodo aphan sika 10 lakh pilo pusi pangdak anparta Asian game pen Commonwelth game along kachepate dun atum aphan lakh pho atangka pajirji pusi pangdak. Halapu rong atok ano pen kapathu ahin kangthur ponji aphan ratpangri ahin pen ajahak scheme kedeng pen danglok mesen aseke kipi avarsai denglo. Chief Minister Samagra Unnayan Yujana pen Assam along pangrum pet long 500 kapathu alongklam kapachingthurji aphan sika elong long sika 20 lakh atangka panonglo. Long 7 stadium along fladlight aphan sika 20 crore atangka pajirlo pusi mai along pangdak.

Leave a Reply

Your email address will not be published. Required fields are marked *

BREAKING NEWS
October 2018
M T W T F S S
« Sep   Nov »
1234567
891011121314
15161718192021
22232425262728
293031  
Archives