ADVERTISEMENT

This area is available for advertisement. Please contact for details.

Arnivang
Get Adobe Flash player

Rongkhang Constituency along ingdeng 2 MAC football kapathu kecheng

Jengkha/Kheroni, Pre 10: KAAC No. 5 Rongkhang constituency angkang Baithalangso Higher Secondary School pathu aklam along Rongkhang BJP Mondal Committee pen pini pen karlitang Joysing Bey pen karlitang Sika Ronghangpi chikimo amen pen ingdeng hini MAC football kapathu chenglo. KAAC EM Rupsing Teron chetong dunsi kapathu kangpu along pini kechengsi kachepho ke Hongkram polling station pen Langhan polling station si kachedan. Laso ahut Langhan polling station atum ketheksoi ajok goal 3 pen Hongkram olling station aphan parem lo. Pini kechengsi kapathu kangpu arni alohi aman pen MAC Prophat Chandra Taro pen Horensing Bey, Hamren District Kishan Morcha ameiphu Prodeep Terang, chunbang Khorsing Ingti, Hamren District ST Morcha Committee ameiphu Harsing Timung, chunbang Harsing Ingti, Mohila Morcha Hamren District Committee ameiphi Monmi Teronpi, chunbangpi Roselin Tissopi, Principal Dilip Kr. Duahra, VDC chairman Dinen Bordoloi, Baithalangso LAMPS chairman Robison Teron, Baithalangso Town Mondal Committee ameiphu Longki Bey pen danglok ongdung BJP along kacherap dun atum chetong dun.
Laso MAC Football Tournament 2018 along No. 5 Rongkhang constituency angkang kedo 28 polling station angbongsi pathuji lapen kehai anong-eh sika 50,000 lapen 2nd anong-eh sika 30,000 lapen 3rd ke sika 15,000 atangka pajirji pusi Rongkhang constituency MAC Horensing Bey panong lo.

Leave a Reply

Your email address will not be published. Required fields are marked *

BREAKING NEWS
October 2018
M T W T F S S
« Sep   Nov »
1234567
891011121314
15161718192021
22232425262728
293031  
Archives