ADVERTISEMENT

This area is available for advertisement. Please contact for details.

Arnivang
Get Adobe Flash player

NITI AAYOG pen nangkapale atangka kapanglim aphuthak angsong angdeng anta chesong damji pusi Youth Congress kether

imageDIPHU, Pre 10: NITI AAYOG pen one time special package atangka kachopanglim aphuthak kenangsot pulote angsong angdeng anta kachesong damji aphan chisik bomlo pusi Youth Congress Karbi Anglong District Committee kether. Pini arnikangsam porphai 5 apor Karbi Anglong District Congress Committee asaihem conference hall along pherangke amai pangnisi Youth Congress Karbi Anglong District Committee ameiphu Sukursing Kro, sankur chunbang Harmonsing Ingti lapen Assam Pradesh Youth Congress pachethang chunbang Longkiri Teron atum kaningje ke, kedamtang 2015-16 aningkan tiri ratpangri pen Karbi Anglong kapachingthurji apharman NITI AAYOG pen one time special package sika 94.11 crore atangka nang pale lo. Laso atengsi Karbi Anglong Autonomous Council patirpisi Karbi Anglong arongsopi Diphu along pathu aklam, Donkamukam along pathu aklam lapen Hamren along central community hall kim lo, seta asai keklemji aphan kehot aron ateng pen kali detlo pusi akoi pi. Laso asai ningkan isi angbong patang nangji pusi aron do seta ningkan isi angbong patang thekthe det lo seta asai ke phant 100 tang etlo pusi kagos kolom pen paklangsi kedamtang 2017 aningkan There achiklo niphai 27 arni UC lolo setame asai abangke nonta klembomlang. Lake nelitum det kali kado kave arat atumta thek pronglo. Asai tangte aprang arpu kedo additional chief engineer pen kosonsi UC kipi ma ke manghu meme. Lasi ladak langdam-et pulote thedung kechokche lapen kachopanglim do pusi nelitum jong ingtung. Halapu Donkamukam along kaselamji aphan pusi MAC Mongal Sing Timung asopo Umtang Timung aphansi a contract pi lo setame manghumeme alam abangke Umtang Timung alangli ke Diphu Civil Hospital along inut a doctor, kosonsi inut ratpangri a chokamar abang contract asai keklem unlo? Llahai kado kave alam aphuthak Karbi Anglong Autonomous Council prapjin pen lamklar chipi nangji pusi kedamtang arni pen hanglo voiphit setame ardi nangkipipe det ajok kedamtang Pre niphai 8 arni NITI AAYOG state coordinator pen director Vandana Marwah aphan panongsi Karbi Anglong Deputy Commissioner arideng pinpur aloh pajir damlo. Pinpur aloh kapajir alongta jongsi thangnat ardi nangpipe pulote angsong angdeng anta chesong damji puta alanglitum pherangke amai along thersi prapjin pen laso kechokche asai along CBI patarlip nangji lapen adai kedovek atum aphan ingsai nangji pusi kehang.

Leave a Reply

Your email address will not be published. Required fields are marked *

BREAKING NEWS
October 2018
M T W T F S S
« Sep   Nov »
1234567
891011121314
15161718192021
22232425262728
293031  
Archives