ADVERTISEMENT

This area is available for advertisement. Please contact for details.

Arnivang
Get Adobe Flash player

Matijong 31 angbong kapatangte atovar patang et nangji: Congress

imageDiphu, Pre 10: Karbi Anglong pen West Karbi Anglong angkang kaprek-kaprek adim along pini Congress atum kachesong asai kedeng ason thakthak Bokajan Block Congress Committee pen Bokajan angkang kedo Mondal Congress Committee do-an atum chelangsi BJP ratpangri keklem kechokche aphuthak kachesong asai kedeng. Laso ahut PWD Borpathar Roads Division a Executive Engineer aphan panongsi ongdung alam jong dunsi pinpur aloh pajir dam.
Congress atum pen kapajir apinpur aloh along Nagaland Gate pen Rangajan an Asian Highway 1 (NH-39) atovar kaheno salok prui nangji, Ekrani kedongput Sukhanjan pen Neperpaty adak PMGSY atovar kapatangte det Men Tisso pen Long Kathar adak PMGSY atovar kaselam non kevangji Matijong 31 angbong patang et nangji pusi jong dun.
La-an chot kali Madhabpur kedongput AH-1 Nizorapar pen Bokajan CHC PWD atovar, AH-1 Silonijan pen Chokihola atovar lapen RCC adolong kapatangte langta non kevangji Matijong achiklo angbong patang et nangji lapen kapatangte det AH-1 Japrajan pen Rongdo arong atovar kaselamta non kevangji Matijong 31 angbong patang et nangji puta jong.
Lahai kapatangte lang PWD atovar, AH-1 atovar lapen PMGSY atovar kapatangte do-an patang et nangji lapen kasalok prui nangji atovar anta salok serak nangji. Jongsi Matijong 31 angbong patangte pulote sodak kachesong asai dengji pusi Congress atum pinpur aloh along ther dun.
Bokajan MCC ameiphu Nipen Sangma, Bokajan Block Congress Committee ameiphu Chandra Kathar, Borjan MCC ameiphi Kareng Tissopi, Sarupathar MCC ameiphi Kadom Terangpi, Deopani MCC ameiphu Surya Rongphar atum jalinsi kachesong asai mesen pen pachun lo.

Leave a Reply

Your email address will not be published. Required fields are marked *

October 2018
M T W T F S S
« Sep    
1234567
891011121314
15161718192021
22232425262728
293031  
Archives