ADVERTISEMENT

This area is available for advertisement. Please contact for details.

Arnivang
Get Adobe Flash player

MAC Prabhat Chandra arideng pen ABY a card keron

Diphu,  Pre 10: Assam Health and Family Welfare saikam pen kadure det arat aphan panongsi akejoi pen seh kachelang longji aphan pura Ayushman Bhrata Yojana avarsai pini Duar Amla Constituency along Duar Amla Constituency a MAC Probhat Ch. Taro arideng pen alangli methang a constituency arlo long thom adim seh kachelang long a card ABY a Card ron. Pini kechengsi Bhoksong mate alangli methang arong arat aphan seh kachelang Ayushman Bharat Yojana a card kapajir amai along Duar Amla Constituency VDC chairman Dilip Millik mai chari pen Amri BJP Mondal Committee chunbang Gojen Kro mai alamthe jai. Duar Amla Constituency angkang BJP I/C Basa Ingti pen danglok local committee ameiphu, chunbang pen anparta penang an kethe-kiding atum chetongdunsi bangso amai along Duar Amla Constituency MAC Taro asangho rat aphan penang an pajirmi alam thansi ningpathe. Laso aphi Rongmanpilangso arong arat aphan ta ABY a Card ron tekangsi kijutsi Vothatlangso angkang Serdihun Aklam along ta seh kachelang a card rat aphan pajir thu lapen anparta pini labangso a Card keron amai along amen nangkeledunde atum do pusetame ningchepa oi eh detji aphan rat aphan than pachini tekangthusi puthot kelongji avarsai pusetame KAAC pen kedeng thuji aphan ratpangri along chingki-chingvai thu et lo. Lasi ning binangne pusi MAC Prabhat Ch. Taro rat athengno ning pathe tekang.

Leave a Reply

Your email address will not be published. Required fields are marked *

October 2018
M T W T F S S
« Sep    
1234567
891011121314
15161718192021
22232425262728
293031  
Archives