ADVERTISEMENT

This area is available for advertisement. Please contact for details.

Arnivang
Get Adobe Flash player

Farakka Express kimi UP along ahor pen suntuk: Bang trok kithi

Lucknow, Pre 10: Pini adap apor Uttar Pradesh arlo Rae Bareli adung Farakka Express kimi a engine pen dabba pho ahor pen kisuntuk ajok bang trok apran kedam lapen penang-an atum areng keso dun dolo.
Adap 6:05 apor malom Harchandpur adungsi kachingkoi, New Delhi kedamji aphan West Bengal arlo Malda rongsopi pen kebar ahutsi kachingkoi.
Lucknow lapen Varanasi pen National Disaster Response Force (NDRF) abitung atum train kachingkoi adim dunsi kerap dun asai deng lo lapen train arlo pen nangketet un-e atum aphan pajok dun lo.
Doctor abitung lapen accident relief medical van atum ta dunsi rap dun lo. Mughalsarai arlo Deen Dayal Upadhyaya junction along emergency helpline number ta pi lo pusi saiphu than.
Areng keso dun atum aphan adung kateokhet a hospital ponsi seh lan dam lo.
Train kachongkoi ajok laso ahor anat pen ke kaprek a train ta cheleng longle det lo. Kithi aphai batthu tathek lang pusi honthe.

Leave a Reply

Your email address will not be published. Required fields are marked *

October 2018
M T W T F S S
« Sep    
1234567
891011121314
15161718192021
22232425262728
293031  
Archives