ADVERTISEMENT

This area is available for advertisement. Please contact for details.

Arnivang
Get Adobe Flash player

Puja Pandal along Abhi-Neel alangsun pu kapaklang ke khei angbong kapacharvo asai keklem

Diphu, Pre 9: State ahempi Guwahati rongsopi along isi puja pandal along Abhi-Neel alangsun pu kapaklang ke Assamese pen Karbi ahamphang angbong aning kapachesoji asai binong lo.
Ajahak abirta aloh lapen online portal news heihui along keklang ateng, Guwahati, Basistha road, Beltola along kedo Lakhimandir Durga Puja Committee atum pen puja a pandal along kedamtang Vosik 8 arni Karbi Anglong arlo atok arong Panjuri along Abhijit Nath pen Neelotpal Das atum aphan rat thurpak kethengbop aphuthak paklangji pusi chini dun.
Lapuson keklem ke rat aphan aning papungsi Karbi atum aphan kapalang selet asai lo lapen khei angbong kapachelang selet pen hako pen kedo rappet Karbi pen Assamese angbong kapachehengno asai lo. Lasi Lakhimandir Durga Puja Committee atum lapuson asai keklem aphuthak netum sodak khamkhe lo. Laso ateng netum Kamrup Metropolitan District a Deputy Commissioner arideng Pre 8 arni lamhoi pidam lo pusi JACAS chairman Khorsing Teron birta pachetak.
Thangbakbe Karbi atum aphan kelang selet pen Abhi-Neel alangsun kapaklang pen Karbi atum aphan kechokche akhei pu kapachethangji pusi netum chechakche. Lakhimandir Durga Puja Committee atum lapuson asai kapaklem longle detji aphan lapen khei-khei angbong monsam kedo bom thekji aphan Kamrup Metropolitan District a Deputy Commissioner pen mesen asai deng nangji puta JACAS atum choningri pusi JACAS chairman Khorsing Teron birta pachetak.

Leave a Reply

Your email address will not be published. Required fields are marked *

October 2018
M T W T F S S
« Sep   Nov »
1234567
891011121314
15161718192021
22232425262728
293031  
Archives