ADVERTISEMENT

This area is available for advertisement. Please contact for details.

Arnivang
Get Adobe Flash player

Morigaon along bang hini honthe meme kindu okhung apran kedam

GUWAHATI, Pre 9: Assam, Morigaon alongri arlo pini Assam police Special Task Force saikhi atum pen kachetengkheng ahut honthe meme kindu okhung bang hini apran kedam pusi police saiphu than.    
Kindu okhung atum kaboha abirta joi-joi pen kelong ateng STF abitung atum Darrang alongri kedai Orang Wildlife Sanctuary adung Sitalmari char along katarlip asai deng lo.
Jirlo 1:20 apor malom Sitalamari char along kele ahut honthe meme okhung atum STF asbitung aphan hile ke-ap dun ajok pus-pu angbong chetengkheng lo.
Kachetengkheng ahut honthe meme bang hini kindu okhung apran kedam dolo lapen kaprek arisangho atum ke kat jui. Kachetengkheng ahut police saikhi atum areng keso ave lang.
Kachetengkheng asanchom katarlip asai kedeng ahut .303 rifle ebong, silencer isi, swimming tube isi lapen jarong heihui long.
Deputy Superintendent of Police (DSP) Birinchi Bora pen executive magistrate atum Sitalmari char Police Outpost damsi lang tarlip dam lo.
Kithi arpum post-mortem asai keklemji aphan papon toi lo pusi pu.

Leave a Reply

Your email address will not be published. Required fields are marked *

BREAKING NEWS
October 2018
M T W T F S S
« Sep   Nov »
1234567
891011121314
15161718192021
22232425262728
293031  
Archives