ADVERTISEMENT

This area is available for advertisement. Please contact for details.

Arnivang
Get Adobe Flash player

KAAC pen VIP atum aphan ador keso a gari kacheron ke kachingthur asai kali: ASDC

Diphu, Pre 8: Karbi Anglong Autonomous Council along kedo VIP atum angbong ador keso a gari kacheron ke kapaprang mate kachingthur asai kali pusi Autonomous State Demand Committee atum jong pusi ASDC propaganda aklembang Peterson Rongphar birta nang pale.
Lahai ador keso a gari kenam pen kacheron varet anpar ke Karbi Anglong arlo kedo an e-om kechoji aphan anta kamatha kisung arat kapachingthur aphan kachingthur asai klem rongsi kemeji puta ASDC atum jong.
Non amatta rong atok atum kecho move dopik lang, ICDS klembang lapen PHE pen Irrigation along kachongdat Khalasi atum bainong kachelong nangji ta do-oh lang, lasi Karbi Anglong Autonomous Council atum pen rat kapachingthur asaisi otthip nangji puta jong.
Karbi Anglong Autonomous Council atum lahai a gari kenam, jangthu kethaiji lapen kevek atum aphan bainong kipiji konat atangka pen lo pusi Autonomous State Demand Committee atum arju.
Kedamtang kapajumji kali Karbi Anglong Autonomous Council a VIP atum aning hang alingsi tangka padam thap varet lo. Karbi Anglong Autonomous Council a VIP atum TA pen DA enbom ma? Latum lapuson arong kachipi-i varetji ajakong doma? Lahai kado kave aphuthak Karbi Anglong Autonomous Council atum lamthak nang chipi nangji pusi ASDC atum hang.
Pinpurme, nonhetjong Diphu pen penang akahelo along DHD C-in-C Pronab Nunisa aphan pangthek abangphu atum hile pen katengkheng longpop ke BJP kachari ratpangri along law & order atum ake-un eh angthek long puta ASDC jong.
Monsam vang lo pu BJP atum kacheparoka pen law & order ahin thangnat ta akeme ave. Laso akepho aphuthak ahok pen tarlipsi angthek paklang nangji puta ASDC atum hang pusi ASDC pachethang aklembang Peterson Rongphar birta pachetak.

Leave a Reply

Your email address will not be published. Required fields are marked *

October 2018
M T W T F S S
« Sep   Nov »
1234567
891011121314
15161718192021
22232425262728
293031  
Archives