ADVERTISEMENT

This area is available for advertisement. Please contact for details.

Arnivang
Get Adobe Flash player

Diphu ahithi arlo Desoi building along LDRB asaihem kimi kangpu

Diphu, Pre 9: Diphu rongsopi along kedo Desoi building angsong along Langpi Dehangi Rural Bank (LDRB) asaihem kimi kangpu. Bangso LDRB aro kedamtang arni Assam Hills Medical College anatthusi pangni lo. seta kasiksak kedokok ajok pini hadak pen nangtereksi Diphu ahithi arlo an ingpu lo. Pini saihem kimi katerek mate akimi asaihem kangpu amen pen pachetonsi thengpi aklim ron lo. Laso LDRB along jasemet so-arlo atum han kachojor aphan pura Joint Liabilities Group (JLG) kaparlo a saideng (scheme) pen keram (loan) kipiji avarsai tho lo. Non an bang 35 atum amen chethap dunlo. Keram kelongji ke isi a bitung (group) along bang pho dovek nangji lapen isi abitung along sika suri kep atangka ansi kaparam pi chotji. La suri kep atangka pensi la bang pho atum han chojor-cholang pen chenglok methang kereng un ajakong arjap nangpo. Laso atangka ningkan isi angbong rui-ni (two week) pen ephong sika 250 atangka bank asor aphan tu bom nangji. Jongsi apor ateng pen tu bom pulote kaparam atangka kipi pabat bom po lapen pangrumpet phant 17 ansi bank en dun chot po pusi LDRB chairman Debojyoti Dutta than.
Bangso avarsai ke power house malom han kachojor so-arlo atum aphansi pi chotji, seta kaprek adim along kedo atum aphan ke pipe. Jongsi komane keramji ninghang do pulote methang-methang adim adung kedo LDRB asaihem along humri dam det non. Lasi Bank asor tangka kijumhek pen han kachojor pen chenglok kaprek-kaprek abeha keklem ningkehang atum aphansi pichotji lapen akimi asai setame deng bompo puta Dutta pachini.

Leave a Reply

Your email address will not be published. Required fields are marked *

October 2018
M T W T F S S
« Sep   Nov »
1234567
891011121314
15161718192021
22232425262728
293031  
Archives