ADVERTISEMENT

This area is available for advertisement. Please contact for details.

Arnivang
Get Adobe Flash player

Amreng-Kapili constituency arat aphan ABY a card keron

KHERONI, Pre 9: Amreng MAC constituency pen No. 7 Kapili MAC Constituency angkang arlo pini Mailoo ahithi pen Doyangmukh medical sub-centre, long ni adim along rat aphan Ayushman Bharat Yojana (ABY)  a card keron.
Kechengsi Mailoo ahithi along Ayumshman Bharat a card keron amai kangni ahut Kapili VDC chairman Honsing Terangsi mai chepahemphu lapen alohi aman pen Amreng MAC Rina Terangpi, Kapili MAC Pawan Kumar Rai, Amreng BJP Mondal Committee ameiphi Dhup Deo Chauhan lapen Mailoo medical pen nurse atum pen danglok ongdung aman kedo atum chetong dun.
Laso a card keron amai along Amreng MAC Rina Terangpi kejai ke India adang pi arat aphan kiduk-keplang langdamde pin pen Ayushman Bharat Yojana a card panong lo. Laso a card ke son ingkoi ra pho (25) a keso apharman kachelangji aphansi pajirlo. Prime Minister Narendra Modi kejalin BJP aratpangri pensi Atul Amrit Abhijan a card along pen sika lakh ni lapen non Ayushman Bharat pen lakh pho atangka pi lo. Laso atengsi kadok kave lakh 7 kadure det arat atum aphan prime minister Narendra Modi pen pi lo. Ayushman Bharat a card pen lakh pho atangka angbong nahok a hospital ratpangri (Government) lapen private hospital along setame akejoi pen seh chelang longpo, jasemetpet ke BPL mate keboidet arat aphansi bangso saideng (Scheme) panong lo. Anparata kedam-kevang bus, train lapen aeroplane kachethap anam (fare) ta labangso lakh pho along penta ingthan longji pusi ningje. Kevangji nini angbong mate Pre 10 angbong amen kachethap patang lap nangji lapen Pre 15 arni penke Ayushman Bharat Yajana a card ka active cheng po puta MAC Rina Terangpi jai. Lason thak thaksi Kapili MAC Pawan Kumar Rai ta laso a card pen alek kelong aphuthak rat atum aphan klardak pen than pachini.

Leave a Reply

Your email address will not be published. Required fields are marked *

October 2018
M T W T F S S
« Sep   Nov »
1234567
891011121314
15161718192021
22232425262728
293031  
Archives