ADVERTISEMENT

This area is available for advertisement. Please contact for details.

Arnivang
Get Adobe Flash player

VDC chairman Dilip Sing Bey aphan karcho

Diphu, Pre 8: Urmi Pre 7 arni Dhansiri constituency angkang Upper Dikrong arat VDC chairman Dilip Sing Bey aphan karcho.
Nepali society, KSA lapen rong asarthe atum chelangsi atum Upper Dikrong community hall along Dhansiri Constituency a VDC chairman Dilip Sing Bey aphan karcho amai pangni.
Upper Dikrong ahavar kedo kado kave rong 18 do lapen lahai arong akijumnai seta ningkan 50/60 an arta pleng rinti lo. Seta ratpangri pen nang kelangle det ajok pini arni anta chingthur dun thekthesi non puta paphihupsi do bom lo. La-an chot kali, havar along EM kahumri damde chot kali VDC chairman atum anta humri damde puta rong arat atum chethan. Pre 7 Urmi arni VDC chairman kahumri dam ke isi phurkimo asonsi man lo puta rong arat atum VDC chairman Dilip Sing Bey athengno chethan dun.
Atumi anerlo porphai hini apor malom pen kangni VDC chairman aphan karcho amai along ST Morcha pen Binu Timungpi, BJP asong klembang Mohen Timung lapen kaprek-kaprek man kedo atum chetong dun.
Karbi arong along kachingthur kave alam aphuthak VDC chairman Dilip Sing Bey jai tekang. Lasi kevangji arni ratpangri pen nang kapale kachingthur ason do-anta kado kave aphan keron pachetang po pusi mai along kachetong dun arat atum aphan chechak tekang. Laso along rat atum cherok dun tok nangji, ratpangri pen nang kapale saideng (scheme) amokha birta endun bomsi chohang dun bom nangji puta alangli than tekang.
Mai along rong arat atum pen VDC chairman Dilip Sing Bey aphan Karbi apoho pen chenglok Nepali atum ta amethang akhei ajutang pindeng pen archosi mai ingsamjin pachekak lo.

Leave a Reply

Your email address will not be published. Required fields are marked *

October 2018
M T W T F S S
« Sep   Nov »
1234567
891011121314
15161718192021
22232425262728
293031  
Archives