ADVERTISEMENT

This area is available for advertisement. Please contact for details.

Arnivang
Get Adobe Flash player

Temon kethe ongdung akhi kanahok

imageDiphu, Pre 8: Borjan Constituency angkang Zero Point, CCI quary lapen Hidipi malom temon kethe ajok ongdung akhi nahok lo seta monit apran aphan thangnat kanahok abirta longle.
Pini anerlo porphai 12:30 malom men-men temon arve kethe ajok CCI quary pen chekoinot Ram Terang arong malom temon kethe ahut thengpi kekrep ke-ongpik ajok rihing ameh anta dak et lo, la-an chot kali monit kedo ahem ta penang an kaheno dolo. Temon kethe ahut Zero Point along kedo Serdihun School lapen Hidipi along kedo Dillaijan L. P School asarnung a tin heihui temon pon-et lo. School ahem asarnung temon kepon et ajok school osomar lapen thanbang atum kaphere pen amahang chelang prongsi hongpharla alongsi chetebin nangkok lo.
Non ningkan esek asatlang tokji dokdok apor school ahem kanahok et ke charli osomar atum aphan loh kacharli aphan katora dopo pusi havar kedo kacheroktok arat atum ningje. Lasi lahai a school ahem prapjin pen salok nangji puta havar kedo arat atum choningri.

Leave a Reply

Your email address will not be published. Required fields are marked *

October 2018
M T W T F S S
« Sep   Nov »
1234567
891011121314
15161718192021
22232425262728
293031  
Archives