ADVERTISEMENT

This area is available for advertisement. Please contact for details.

Arnivang
Get Adobe Flash player

Phuloni-Langhin ahavar rihing ameh ahok kave

Diphu, Pre 8: Non BJP kachari BJP ratpangri atum pen ghonta 24 mepme pin rihing ameh piji pusi mai heihui along chechak. Pinpurme, kedamtang arni Assam chief minister Sarbananda Sonowal Bokolia along kevang ahutta lapusonsi pangdak tekang lo.
BJP kachari ratpangri atum ghonta 24 mepme pin rihing ameh kipiji pu alam pen chetonte pinsi non malom Phuloni-Langhin ahavar atok-ano kedo arong arat atum rihing ameh kachethor ahok kave thektik pusi birta nang pale.
Rising ameh kipi asaikam achokamar atum methang asai kacheklem ahok kave ajoksi lapuson rat atum kisung kachechak nanglo puta havar kedo arat atum jong. Rong arat atum kedamtang arni penta amethang amatsi thurpak rihing ameh kachethor longji aphansi sai klem bom lo. Seta non kacharli osomar atum ningkan esek asatlang ketok bom apor ahut lapuson rihing ameh ahok kave varet ke chokche, lasi saikam achokamar atum prapjin pen rihing ameh kaike kachethor longverji aphan nang selam nangji pusi havar arat atum choningri.
Rihing ameh kachethor arat angbong ongdung atum ke achiklo jonvang ta rihing ameh kachethor anam ta chipi dam bom lo. Seta anam kipi ateng pen ning ingsamjin rihing ameh chethor longle puta Langhin pen Phuloni ahavar arat ningri.
Lasi lahai rat akisung kachechak jokplotji aphan ta ratpangri aphan EM, MAC atum pen rihing ameh kipi asaikam atum aphan pu nangji puta havar arat atum choningri.

Leave a Reply

Your email address will not be published. Required fields are marked *

October 2018
M T W T F S S
« Sep    
1234567
891011121314
15161718192021
22232425262728
293031  
Archives