ADVERTISEMENT

This area is available for advertisement. Please contact for details.

Arnivang
Get Adobe Flash player

CEM arideng pen hum 12 Innova a gari kimi MACs atum aphan kapajir

imageDIPHU, Pre 8: Todap porphai 11 apor KAAC Secretariat asaihem achatai along KAAC team atum patirpisi MACs atum aphan Innova a gari a gari kimi KAAC CEM Tuliram Ronghang arideng kapajir.
KAAC keparlo long 26 constituency angkang atok ano kachingthur asai amo kedeng along kedam kevang kejoikeji aphan pura chingvaisi pini kado kave sika 2,24,61,232 crore atangka padamsi hum 12 Innova akimi a gari nam pen MACs atum arideng pajir lo.
Pinpurme, KAAC along kedamtang 1961 aningkan pen pini arni an lapuson asai kedeng ave pinlang, seta pini BJP KAAC ratpangri atum pen bor-i si kechengsi MACs atum aphan gari akimi keron ke phurkimo along dopo. Bangso a gari kimi pen pini methang methang a constituency angkang MAC atum atok ano anta dam un po. Lasi, Pre achiklo angbong Singhason, Borpung-Tarapung, Mohamaya pen chenglok a constituency tin atok ano along anta kahumri kedamji aphan team Karbi Anglong atum chesik chedang lo pusi CEM Tuliram Ronghang jai.
MACs atum ke-en tang a gari kedo an KAAC workshop along Engineer atum arideng hodai etpo lapen alanglitum arideng si dopo. Anparta 26 constituency angkang jasemet atok ano rihing ameh kelele adim kedo an solar light si parjap dampo puta CEM Tuliram Ronghang jai.
KAAC Speaker Longki Timung pen chenglok MAC Horen Sing Bey, MAC Richard Tokbi, MAC Prabhat Ch. Taro, MAC Rina Terangpi, MAC Pawan Kr. Rai, MAC Mongal Sing Timung, MAC Ramsing Timung, MAC Lunsing Teron, MAC Dorsing Ronghang atum aphan Innova a gari kimi pajir lo.

Leave a Reply

Your email address will not be published. Required fields are marked *

October 2018
M T W T F S S
« Sep    
1234567
891011121314
15161718192021
22232425262728
293031  
Archives