ADVERTISEMENT

This area is available for advertisement. Please contact for details.

Arnivang
Get Adobe Flash player

Art. 244(A) pachun serak nangpo pura HSDC lapen chelangrappet atum pinpur kapajir

imageDiphu, Pre 8: Hills State Demand Council-Bokajan District Committee, Karbi Students Association Bokajan District Committee, Student’s and Youth for Justice Bokajan District Committee, Karbi Nimso Chingthur Asong Bokajan District Committee, All India Students Association Bokajan District Committee, Students Youth Council Bokajan District Committee atum chelangpet India prime minister Narendra Modi aphan kapanong a pinpur aloh Bokajan SDO (Civil) arideng pajir dam.
Hamphang asong atum pen kapajir dam apinpur aloh along det adang BJP kachari asongja atum pen kachechak ateng Assam arlo kedo inglong a district Karbi Anglong pen Dima Hasao apharman article 244(A) autonomous state pachun serak nangpo pusi jong dun.
Kedamtang 2009 aningkan Kheroni along LK Advani kachechak tekang, 2013 aningkan Diphu Club along non kedo Assam CM Sarbananda Sonowal State BJP ameiphu kikhi bom ahut kachechak tekang lapen kedamtang 2014 aningkan MP kilik kapachethang amai Dokmoka along kangni ahut non kekhi bom home minister Rajnath Singh BJP ameiphu kikhi bom ahut kachechak tekang, 2016 aningkan state minister Dr. Himanta Biswa Sharma kachechak tekang, Minister of Law & information Technology Ravi Shankar Prasad kachechak tekang anparta BJP election manifesto pen kachechak ateng Karbi Anglong pen Dima Hasao apharman article 244(A) pachun serak nangpo puta jong dun.
La-an chot kali Karbi Anglong pen Dima Hasao apharman India constitution along article 244(A) ketok aphurkimo ta pinpur aloh along HSDC, KSA, KNCA, AISA, SYJ, SYC atum chelangpet kapajir apinpur aloh along jong dun.

Leave a Reply

Your email address will not be published. Required fields are marked *

October 2018
M T W T F S S
« Sep    
1234567
891011121314
15161718192021
22232425262728
293031  
Archives