ADVERTISEMENT

This area is available for advertisement. Please contact for details.

Arnivang
Get Adobe Flash player

Nelitum a KPLT henlo bilateral ceasefire kedeng asong lo: Donri Kramsa

DIPHU, Pre 7: Kedamtang Diphu 5 mile aboha along kedo a KPLT atum krungsai amai kangni alamthe abang ke bilateral ceasefire klem bom abangphu atum kali pusi KPLT ameiphu Donri Kramsa pen sankur chunbang Vojaru Hanjang birta pachetak. Kapachetak thuke, halabangso amei keseng along ke kedamtang penang an ajir kiding pen sorkar along hile-kaman chehodai pen ari cherungsi tangka-maha pen ale kacho-en tang atum saide lo. Alanglitum ke KPLT akemang pachun un-eh lo pusi sorkar along amena jong jung pen ari kacherung tang abangphusi ke-ong athema nelitum ceasefire klem bom ron apinpo meiphu Donri Kramsa, sankur chunbang Vojaru Hanjang, C-in-C SJ Ejang pen chenglok pini nelitum KPLT ceasefire kemang ahokpet pen klem bomji lang. Pini nelitum sorkar pen chingki bom lang, nelitum ceasefire klembangphu kedo an atum ke emena jong jung aphan ale rire athe KPLT asong nang chesong ke hemprek ajoinesesi neli nang kachesong. Athema Indian constitution aron aloh along nang ketokpi Article 244 (A) aron ateng pen chehang vekji puta pachetak.
Lasi ceasefire atum choningri alamthe ke lapu henlo, sorkar along ari kachirung tang abangphu kedo anke KPLT ceasefire atum keklem bom rat akemang hemprek apharman kachesong bom atum aphan nang pasik sak dun dera rat aphan nang pamanghu dunde detsi kemeji pusi choningri lo puta KPLT meiphu Donri Kramsa birta pachetak.

Leave a Reply

Your email address will not be published. Required fields are marked *

October 2018
M T W T F S S
« Sep   Nov »
1234567
891011121314
15161718192021
22232425262728
293031  
Archives