Mahamaya angkang kadure det arat aphan Ayushman Bharat Yojana a card keron

DIPHU, Pre 4: Kedamtang achiklo Chiti 23 arni Jharkhand along Indian prime minister Narendra Modi detpi adang kadure arat apharman akejoi pen seh kachelang long avarsai PM Jan Arogya Yojana (PMJAY) saideng (Scheme) pen kedeng Ayushman Bharat Yojana ingpu lo. Mahamaya constituency angkang kadure det arat laso avarsai kelong dunji aphan pini Jungthung LP School ahem athengno along Ayushman Bharat Yojana a card KAAC MAC Lunsing Teron arideng pen ingpusi seh kachelang-i a card alangli arideng pensi keron.
Keron asai along Mahamaya VDC Chairman Harsing Ingleng, Samelangso Block Mondal chunbang Babu Tisso, Gram Kendra klembang Rajesh Teron pen chenglok ongdung kethe-kiding abangphu/phi atum chetong dun.