ADVERTISEMENT

This area is available for advertisement. Please contact for details.

Arnivang
Get Adobe Flash player

Km 10 adak kapacheklo alang kasalon asaideng kangpu

Dima Hasao alongri along Mission 2019 asaimo kedeng dam

imageDIPHU, Pre 7: Inglong alongri lang, me tovar kisung adim kapajok damji aphan pura pini thoi ahavar pen BJP jabang atum arlu damsi Dima Hasao alongri Dihangi angkang arat mesen kijun alang kapajun longji avarsai aphan pini km 10 adang kethe alang kasalon adim ingpu. BJP Assam Pradesh ameiphu Ranjit Kumar Das alohi sarpo aman pen chetong dunsi alangli arideng pen amatsi ingpu. Kangpu asai along BJP Assam Pradesh sikdang chunbang Phanindra Sarma, DHAC CEM Debalal Garlosa, MLA BB Hagjer, Bokajan MLA Dr. Numol Momin, BJP EKADC ameiphu Arun Terang lapen song jabang atum chetong dun.
Kangpu asai jutdet aphi Dihangi along Mission 2019 rat amaipi pangni. Mai along prime minister Narendra Modi kejalin BJP aratpangri pen inglong alongri kapachingthurji aphan penang an ardi pilo, jasemet petke prime minister Narendra Modi North-East ahavar kapachingthurji aphan kemang dosi Ingdia adet kapachelarji aphan thetan kemang dolo. Laso ajoinesi pini ason-ason a saideng (scheme) denglo. Lang, me, tovar, seh kachelang, loh kacharli ahin kapachingthurji aphan saideng dengsi han kachotun a gas ta akejoi pen ronlo pusi mai along state BJP ameiphu Ranjit Kumar Das ningje. Alangli kaningje thuke non MP kilik ta arni tebokhetlo. Lasi thoi inglong ahavar mate khei-dhorom do-an aphan kelang kapachingbar asong BJP alongsi cherap dun nangpo athe kedamtang Congress kachari ahut  kachopanglim pen danglok don-rap angbong kachelangvong aratchari keklem anuttin ta thek longpronglo. Lasi lapuson asong pen ke ilitum chepahelo nangpo puta alangli rat aphan chonigrisi Assam chief minister Sarbananda Sonowal kejalin aratpangri alongsi ilitum cheto dun nangpo pusi ningje. Lason thak thaksi kachetong dun BJP Assam Pradesh sikdang chunbang Phanindra Sarma, DHAC CEM Debalal Garlosa, MLA BB Hagjer, Bokajan MLA Dr. Numol Momin, BJP EKADC ameiphu Arun Terang atumta non kevangji MP kilik ahut kosonsi inglong ahavar penta BJP asong ajakong kachepangtang unjima aphuthak ningje.

Leave a Reply

Your email address will not be published. Required fields are marked *

October 2018
M T W T F S S
« Sep    
1234567
891011121314
15161718192021
22232425262728
293031  
Archives