ADVERTISEMENT

This area is available for advertisement. Please contact for details.

Arnivang
Get Adobe Flash player

Kilik aphrang Rajasthan along 12 lakh sose kachotiki arat aphan akejoi pen rihing ameh pipo

 JAIPUR, Pre 7: Nangkeleji Rajasthan Assembly kilik ji arni Election Commission pangdakde aphrang atumi Chief Minister Vasundhara Raje longri arlo kachotiki arat aphan sika 10,000 ador an akejoi pen rihing ameh kapachethor avarsai pipo pusi ningje.
Ajmer along rat amai kepha ahutsi laso alam kapangdak. Laso alam kapangdak ahut Prime Minister Narendra Modi ta mai along do.
Longri arlo 12 lakh sose kachotiki arat atum agricultural electricity connection en pen ningkan isi along sika 10,000 anke akejoi pen rihing ameh endun longpo.
Pining Phaikuni a chiklo a bill pensi rong along kachotiki arat atum laso avarsai cho-en long po.
Laso avarsai Direct Benefit transfer (DBT) a grants pensi longji pusi Rajasthan Energy Department saiphu than.
Kechengsi ke kachotiki arat atum bill pi paprang nangji, laso aphi ongnei ta chiklo ejon pen sika 833 atangka alangtum a bank accounts along thap pithu po pusi saiphu than.
Laso alam aphuthak Energy Department atum Jaipur, Ajmer lapen Jodhpur along power distribution companies atum aphan pachini lo.
Chief Minister Raje alang inghoi kache-o nangpo pu ahutsi ansi lahai avarsai keklem ke kilik aphrang rat aphan amek kapalu abidi puis Chief Minister barim Ashok Gehlot akoi pi.
Kachotiki arat aphan akejoi pen rihing ameh avarsai piji pu Congress atum “Charbhuja Kisan Sammelan” along pangdakdet aphisi CM Raje laso asai keklem.
Assembly kilik aphuthak code of conduct kapangdak ghonta isi aphrang chotiki arat atum aphan rihing ameh avarsai kapangdakpi ke kopi lo? Ningkan pho alang CM kekhi un ahut kopisi chotiki arat aphan akejoi rihing ameh avarsai pithekthe det lo pusi Gehlot karju.
Ningkan pho alang CM kekhi un ahutke Bharatiya Janata Party (BJP) government electricity tariff si batai kethom an kapabat, laso aphi ta rat aphan dorphlup rihing ameh pithek the.
Laso avarsai kapangdak pen ke kachotiki arat atum ta lu dunde pusi Gehlot ningje.

Leave a Reply

Your email address will not be published. Required fields are marked *

BREAKING NEWS
October 2018
M T W T F S S
« Sep   Nov »
1234567
891011121314
15161718192021
22232425262728
293031  
Archives