ADVERTISEMENT

This area is available for advertisement. Please contact for details.

Arnivang
Get Adobe Flash player

Sai jokje rong aratsi tovar kacheselam nang

DIPHU, Pre 7: Karbi Anglong district kelong arta ningkan 66 plengdet aphita Karbi Anglong nonputa ongdung atok-ano adim kachingthur angthek ave pinlang. Me, lang tovar, seh kachelang ahem lapen kacharli ahem heihui non anta ketangte lapen kelele adim dolang. Laso ajoksi pini Karbi arat tikuk dun nanglo. Pini arni anta ratpangri pen kedeng kachingthur araje kethek longle pin adim ta dolang. Lasonsi Dhansiri Constituency kaparlo Upper Dikrong pu ahavar Bim Ingti pen Bachok Rongphar, la rong ni arat atum nonputa lang, tovar ratpangri pen kelong nangji ason do-anta kelong paphi dunhup lang. Pini rong-asar pen-pen rong amekar atum thurplutsi  tovar cheselam nangkok lo. Ratpangri aphan tovar cholangbom aphita thangnat ning kachethe kave det ajoksi pini abangke alanglitum methangsi tovar kacheselam kapangthir asai deng nangkoklo. Rong asar kapachini atengke laso arong kachokim 1952 aningkan KAAC keseng aningkan ahut penlo. ASDC kachari ahut ring well hum ni, lapen Congress kechari ahut hemso hum pho kelong dun pen akaprek pini arni an ajat ta long dundelang. Non malom ratpangri pen ason-ason kachingthur asai kedeng dopiklo setame la rong ni arat ke ajat ahinta katikuk dun abangke ningduk meme puta rong asar chethansi sai jokje methang thurplutsi aninkanvang ta tovar selam nangkok lo pusi ningje. Alangli kaningje thuke non MP kilik aprang–aprang komat asongsi la rong ni arat aphan nangkelangji, laphansi vote ta jokji pusi ningje.

Leave a Reply

Your email address will not be published. Required fields are marked *

October 2018
M T W T F S S
« Sep   Nov »
1234567
891011121314
15161718192021
22232425262728
293031  
Archives