ADVERTISEMENT

This area is available for advertisement. Please contact for details.

Arnivang
Get Adobe Flash player

Hemprek aphuthak Pre 5 arni Assembly along kachingvai ke lamkan chot: ASDC

DIPHU, Pre 6: Karbi Anglong pen North Cachar Hills hemprek kangthim pachun nangji pu aprang penlo Autonomous State Demand Committee (ASDC) lamthe kapaklang seta Bharatiya Janata Party ajakong chedon thor aphi Assam Assembly along cherai thekthe. Pinpurme, Chhattisgarh pen Uttaranchal ahavar aphan state kimi kapangdak ahutta Karbi Anglong pen North Cachar Hills a MLA inut nat ta hemprek kangthim kapadengji aphan lamthe ho dunde. Hemprek kemang aphuthak inglong hini kaparlo a MLA do-an ta jai dun chot anvet. Non kevangji parliamentary kilik aphansi Pre 5 arni Assam Assembly along lamkan chepaklang chot, kedamtang phurun ko-an lone mek thekdun longlor lo. Hemprek aphuthak panonglorsi Pre 5 arni kachingvai along sankur arat aphan kapamanghu abidi chot. Lasi lason rat aphan pamanghu asai klem nangne. Karbi Anglong pen Dima Hasao alongri aphan hemprek kehang ardi kipiji kalisi Pre pho arni kaprek alamkan kapaklang along klem thu lilo Karbi Anglong alongri thakso kraisi regional council ta pachun nangpo pusi Dr. Numol Momin assembly along paklang dun thurong. BJP abidi Karbi Anglong achet kaselam kraiji aphan Dr. Momin kaningje alam madu a Karbi pen Dimasa a MLA ta khinde dun haihe pusi ASDC chunbang i/c pachethang Daniel Teron birta pachetak.

Leave a Reply

Your email address will not be published. Required fields are marked *

October 2018
M T W T F S S
« Sep   Nov »
1234567
891011121314
15161718192021
22232425262728
293031  
Archives