ADVERTISEMENT

This area is available for advertisement. Please contact for details.

Arnivang
Get Adobe Flash player

Sixth Schedule kapachun serakji aphan 24+ asong armu kachejeng

imageDiphu, Pre 5: Sixth Schedule aron ateng pen KAAC along kedo an keklem nangji son pho alamthe aphuthak KAAC pen pachun vek nangji pura pini Ru Semson Sing Ingti Memorial Park along 24+ Asong atum chesongsi armu kachejeng asai kedeng.
24+ Asong atum son pho akemang ke Sixth Schedule to the Constitution of India along kedo paragraph 20 ateng pen KAAC voter list along aronre non-tribal a voter an ingthan-et nangji, Sixth Schedule to the Constitution of India along kedo paragraph 2 sub-para 7 ateng pen akimi KAAC aron selam nangji,  Assam Land & Revenue Act. 1986 (ALRR) ingthansi Customary Land Law si selam nangji, Sixth Schedule to the Constitution of India along kedo paragraph 4 ateng pensi aprang ateng Tribal Customary Law selam nangji lapen sixth schedule to the constitution of India along kedo paragraph 3 sub-paragraph 1 Clause (e), (f), (g), (h), (i) & (j) Tribal Village selam nangji pusi kehang.
Anparta lahei aphuthak kapachun serakji aphan kado kave arat atum kacheto dun kenangsot apor lo. Jongsi ardi pipe pulote arnisi ladak Tripura asonsi nangcheman vekpo. Pini lahai kachesong along kilik karjap dunji aphan le keklem kali, lake methang a Karbi akhei mate inglong aso atum apharmansi kachesongpi. Komane ke kilik aphansi keklem pu tahaiji lasi laso kachesong along ASDC, HSDC, CPI(ML), Congress, BJP atum anta cherap-kacheto dunsi keme. Ladak methang aleh aphan le kachesong kali. EM, CEM, MP, MLA, MAC atum ke ningkan pho apharman hai nangji pulo rat kacheto pen pahailo, seta pini alanglitum kopi lo rat aphan kachelong nangji ajakong kevan pithek? Jongsi Sixth Schedule aron ateng kiplut lo pulote rat aphan chot kali EM, CEM, MP, MLA, MAC atum asomar anta akisung doji. Jasemet pini bangso kachesong kithur ke rong atok-ano malom kedo arat atum henlo lapen kachingri angthek long lo pusi Rtd. IAS J.I Kathar asangho jai.

Leave a Reply

Your email address will not be published. Required fields are marked *

October 2018
M T W T F S S
« Sep    
1234567
891011121314
15161718192021
22232425262728
293031  
Archives