ADVERTISEMENT

This area is available for advertisement. Please contact for details.

Arnivang
Get Adobe Flash player

Upper Dikrong KSA sub branch ningkan 30 kepleng karjap arni katalon

DIPHU, Pre 4: Karlitang Jensing Terang pen Rensing Rongpi atum jalinsi kedamtang 1988 aningkan Upper Dikring KSA sub branch parjapsi non an ningkan 30 kechok kepleng aphuthak ning arong chipisi kedamtang Pre hini arni Upper Dikrong Community hall along talon.
Holiram Terang kachepahemphu amai along Buddho Kramsa alohi pachini. Mai along Karbi So-Arlo Amei pen Basapi Teronpi chetong dunsi Karbi atum aphai kijum apor ahut so-arlo atum arpu thetan lapen bang aso pen chepachorche det nangji pusi ningje. Dillai KSA head brance Bikrom Kro kaningje ke Karbi Anglong along hamphang asong do oh lo, lasi lake keme angthek kali Karbi akhei aphan klem piji pulote song chongvai pemesi cherap dun nangpo, bonta akimi asong keseng pen kali. Lason thak thaksi halapu meiphu Nobin Rongpi ta KSA aphurkimo nangkeplang lapen kachekak aret alamthe ta jai. G.B, SGB lapen rat asai klembang atum mai along chetong dun.

Leave a Reply

Your email address will not be published. Required fields are marked *

October 2018
M T W T F S S
« Sep   Nov »
1234567
891011121314
15161718192021
22232425262728
293031  
Archives