ADVERTISEMENT

This area is available for advertisement. Please contact for details.

Arnivang
Get Adobe Flash player

Scooty aphan Tata Mobile kapatong, adim along amat inut apran kedam

Diphu, Pre 4:  Diphu Police Station angkang Diphu-Manja atovar pen Valley View tovar krongthom kachetok along Phre 4porphai 8 malom ihum akimi Scooty aphan Tata Mobile truck kapatong dun ajoine adim along amat inut apran kedam. Adim along pherangke atum birta kirip dun long ateng pulote hum ni a gari ta Diphu anat nangkapangno bom ahutsi Tata Mobile abang kapatong dun. Bangso ajoine Tata Mobile kevek abang kachepere adim pen kat juilo. Kethek dunlongvek atum kethan ateng pulote bangso Tata Mobile abang Manja anat pen kevangbom ahut kapaprap abidi kethek the ong Birla angdeng ta aduk patanplung anpin pusi kethek long atum than. Bangso ahoni kepho adim along pen inut bike kevek abangphu Tata Mobile aphi plung dunlo seta Tata Mobile abang kapangtang thektik ajoine pho dunde detlo. Sita alanglitum kethan ateng pulote Diphu Rongmonjir anatsi kapangno lapen gari no. AS-09AC-4252 pusi kethek dunlong atum than. Scooty aphan Tata Mobile kapatong ahir kangtangrak ajoine adim along amat Villey View asor Sienkim Hmar (38) abangke apran damjui lo lapen apenan Zarmawi Keivon (45) abang ta areng keso ahir kangtangrak ajoine Diphu Civil Hospital (DCH) along seh lang bomlang bonta kithi kereng angbongsi dolang. Birta kirip ahut anke DCH along Dr. S.A Ronghang aridengsi seh lang bomlo lapen haladak adim aklong along Police atum le dunde lang.

Leave a Reply

Your email address will not be published. Required fields are marked *

October 2018
M T W T F S S
« Sep   Nov »
1234567
891011121314
15161718192021
22232425262728
293031  
Archives