ADVERTISEMENT

This area is available for advertisement. Please contact for details.

Arnivang
Get Adobe Flash player

Hamren along daini kapathi lapen aronre so-arlo aphan kejor kanghu abeha keklem aphuthak cheroktok amai kangni

HAMREN, Pre 4: West Karbi Anglong district arongsopi Hamren along pini ditrict administration pen State Women Commission atum daini kapathi pen aronre so-arlo atum aphan joi-joi pen kejor kanghu abeha keklem aphuthak kekhang thekji aphan cheroktok amai kangni. Hamren Govt. Higher Secondary School along kangni lcheroktok amai West Karbi Anglong Deputy Commissioner Devajyoti Hazarika mai chepahemphu lapen Assam State Women Commission ameiphi Sikimiki Talukdar, dun meiphi Hemo Prabha Borthakur, ADC Anil Chandra Das, Additional SP Alina Teronpi, Magistrate Sujuta Gogoi, Hamren Govt.Higher Secondary School Principal Sing Kro, thanbang Jonathan Ingti, Donka ARO Nilutpal Ronghang, resource person Hamren DC Court a advocate Mohesh Jha pen chenglok rong asar-rup asar atum chetong dun.
Mai along Additional SP Alina Teronpi so-arlo aphan keraikom aron ko-an ingtui lapen kisung kepho ahut kosonsi jakong cheharjak nangjima aphuthak thansi so-arlo atum aphan kachenek kaholo pen kacheraikom thekji aphan aron heihui klardak pen pachini.
Halapu Assam State Commision for Women  ameiphi Sikimiki Talukdar kejaike jongsi so-arlo atum kisung kepho aphuthak law & order atum along lerok aphita ahok akangsai longlerek pulote cherap rappet lonang anparta so-arlo atum akisung pen kejokji aphan un anke cherap-cheto dunji lapen akenangsot pulote ajo-nerlo setame phone pen nangchingkiji pusetame avarsai longji pu.
Pini bangso amai along West Karbi Anglong atok-ano penta SHG, Federation, ASHA lapen so-arlo asong atum chetong dun.

Leave a Reply

Your email address will not be published. Required fields are marked *

October 2018
M T W T F S S
« Sep   Nov »
1234567
891011121314
15161718192021
22232425262728
293031  
Archives