ADVERTISEMENT

This area is available for advertisement. Please contact for details.

Arnivang
Get Adobe Flash player

Erui angbong Ratan Teron aphan EM arpu pen pasun nangji: KFA, KSYA

Diphu, Pre 4: Diphu Town Committee (DTC) angkang ason-ason kapachingthur asai amo kedeng along BJP East Karbi Anglong ameiphu lapen KAAC a EM Ratan Teron jongjung aninghang aling Town & Country Planning asai along keklem administrative approval pi pen tender notice pangdak pen work order pen asai keklem det aphita adim lar thu-et.
Kejong ateng pen adim kelar ke ward No. 8 angkang construction of brick solling road from Bathaw mondir pen Dillaji link road alar Bathari an kekrongput ratpangri rong asar a hem pensi Dillaji Mithiphang High School pen Dillaji Mithiphang Dimasa community plot, Ward No 8 Borsing Inghi aboha adung Rongtharve along RCC alanghe adim tereksi ward No 8 Kare Ronghangpi aboha adung Malongso along arlong kibui asai kapaklem. Ward no 3 kaparlo AB Memorial School pen Dewan basti kachetok dam tovar kaselam nangji adim arlong kibui asaisi paklem rong, ward No. 5 kaparlo adim kedeng asaimek Rongker karkli asanchom Lorulangso Part II along arlong kibui pen larsi Lorulangso Rongkethe community hall ahoi arpongsi paklem rong, Electricity Board asaihem adung arlong kibui nangji adim Nilomoni Dey aboha adung AB Memorial School athengno Dewan basti anatsi terek dam det pusi KFA pen KSYA akoi van.
Rat aphan kapamanghu lapen kachongthui a EM aphan arpu pen pasun nangji pusi KAAC CEM Tuliram Ronghang aphan KFA pen KSYA choningri. Jongsi erui angbong EM arpu pen pasunse pulote sodak pen KFA pen KSYA kachesong asai deng nangkok po lapen laso kachesong along soluk-sodak atemon dokok pulote CEM Tuliram Ronghang si adai che-en nangji puta KFA dun meiphu Avinash Ronghang, KSYA ameiphu Sandar Teron, dihin chunbang Robertson Hanse lapen Barnabas Ingti atum birta pachetak aloh pen birta nangpale.

Leave a Reply

Your email address will not be published. Required fields are marked *

October 2018
M T W T F S S
« Sep   Nov »
1234567
891011121314
15161718192021
22232425262728
293031  
Archives