ADVERTISEMENT

This area is available for advertisement. Please contact for details.

Arnivang
Get Adobe Flash player

Art.244(A) aphuthak MLA atum aphan Ex-UPDS abitung kachetong dam

Diphu, Pre 4: Kedamtang Pre 3 arni Ex-UPDS Welfare Society dun meiphu Moniram Ronghang jalinsi Guwahati rongsopi along bang kethom a MLA pen HAD minsiter atum aphan kachetong dam.
Non state Assembly Session kedo bom along MLAs atum inglong hini alongri akemang Art.244 (A) akisung aphuthak state lapen central ratpangri along prapjin pen kepale dunji aphan kachetong dam abitung atum choningri. Anparta MLA atum aphan kedamtang 2014 aningkan Phaikuni 25 arni MoS alamdon ateng Assam state pen tiri ratpangri lapen UPDS angbong kachetok pachun serakji aphan ardi pidun. Lasi non kedobom state Assembly Session along Pre 5 arni kehang inglong alongri hini akemang Art.244 (A) aphuthak ardi pa-en pon nangpo lapen Assembly Session Speaker bangso aphuthak dengpo pusi ningthe lo lapen kedamtang 2014 aningkan Dokmoka along rat amaipi kangni ahut National BJP ameiphu kikhibom ahut Rajnath Singh methang amatsi Art.244(A) aphuthak jongsi centre along BJP jakong chelong lote pachunpo pusi halaso amaipi along lamchak pi tekang lo.Lasi state ratpangri bangso aphuthak home minister along kapaleji aphansi hang lo pusi Ex-UPDS Welfare Society ameiphu Robi Sing Teron pen chunbang Sarsing Teron atum birta nangpale.

Leave a Reply

Your email address will not be published. Required fields are marked *

October 2018
M T W T F S S
« Sep   Nov »
1234567
891011121314
15161718192021
22232425262728
293031  
Archives