ADVERTISEMENT

This area is available for advertisement. Please contact for details.

Arnivang
Get Adobe Flash player

Tumpreng along Swahid Kushal Konwar Sarbajanin Briddha Pension Aachoni CEM Kangpu

JENGKHA, Pre 3: Rongkhang Development Block angkang Kaparlo Bithung Rengthama Constituency Tumpreng mai ahongjai aong Pre hini arni adap porphai kep apor Village Development Plan Special Gram Sabha (saabka saath-Saabka Vikash) lapen Swahid Kushal Konwar Sarbajani Briddha Pension Aachoni kangpu amai kangni.  Bithung Rengthama Constituency VDC Chairman Ramson Rongpi kechari amai along alohi sarpo aman pen KAAC CEM  Tuliram Ronghang chetong dun lapen (FR (I)Nothern afforestation) Humson Tisso, MRLM Rongkhang Block co ordinator Jeng Inghi, Hamren PHE asaikam Engineer Toroni Rongpi, ACC Hamren Dhonsing Terang, Ditulal Hashnu, Dr. Aghar ul Islam Laskar, Rongkhang Block BDO Soshi kanta Timung pen danglok penang an aman kedo atum chetong dun.
Kangpu amai along KAAC CEM Tuliram Ronghang kejaike Keboidet arat atum aphan old age pension”Widower pension”, mate  ari-akeng katekok, no kangthong, amek kachecharche atum aphan kerapji aphansi  Block pen schemes kedeng ponji aphan Karbi Anglong Autonomous Council ahin pen chesik bomlo lasi prapjin pen keboidet arat atum lahai mesen avarsai longdap prangpo pusi ningje. CEM kaningje thuke laso 2018 aningkan pen  kevangji 2022 aningkang an BJP arat ahin pen kedeng schemes PMAY-G Ahemso Karbi Anglong District angkangpi keboidet rat atum kelong lap nangji aphan pura KAAC ahin pen chesik bomlo. Kevangji Pre niphai 7 arni Rongkhang Development Block Kaparlo constituency arat aphan “Ayusman Bharat”Card, Donkamukam along pajirji puta ningje.

Leave a Reply

Your email address will not be published. Required fields are marked *

October 2018
M T W T F S S
« Sep    
1234567
891011121314
15161718192021
22232425262728
293031  
Archives