ADVERTISEMENT

This area is available for advertisement. Please contact for details.

Arnivang
Get Adobe Flash player

Balipathar along SYJ solidarity amai kangni

DIPHU, Pre 3: Student and Youth for Justice (SYJ) Bokajan District Committee patirpisi Balipathar methang saihem along solidarity aphuthak rat amai kapaman.
SYJ BDC ameiphu Longbamon Ronghang chepahemphu amai along alohi sarpo aman pen MP barim Dr. Jayanta Rongpi chetong dun, anparta CPI ML HPC chunbang Robi Kumar Phangcho, SYJ abidisar Amlong Ingti, KNCA CC ameiphi Protima Inghipi, HSDC chunbang Laichan Ingleng, SYJ CC Longki Singnar, AISA chunbang Ranjit Kramsa, RYA Hills Committee ameiphu Babusing Killing, KANKIS chunbang Gobin Tokbi, SYJ CC chunbang Sarten Rongpi, KNCA BDC ameiphi Monalisa Tissopi lapen SGB atum chetong dun.
Hemprek kehang ningkan 33 abat lo seta pini arni anta pachunche bonta havar arat isivet si mang thip lang lasi non puthot song pangtang thura hemprek kehang aphan cherap cheto lonang pusi mai kepha alamthe jai.
Non kachari bom BJP ratpangri atumke athaksi hemprek alam ningje chot ahokpet le kehang kali lapen BJP ajakong kevang pen kiduk kelak arat aphan avi kachonsip, hormu hortar ador kapabat, so-arlo atum aphan cholangrem keraikom ave, so arlo atum aphan aman kipipe lasi laso ratchari asongja pen etum alongri pen pavir nangpo pusi KNCA CC ameiphi Protima Inghipi jai.
MP barim Dr. Jayanta Rongpi kejai, Congress pen BJP ratchari asong atumke hemprek alam sai jokje pensi amen an nangkoklo. Assam Speaker pen Karbi Anglong-Dima Hasao alam aphuthak nang kehang ta lake BJP atum ajoine kali lake Karbi Anglong along hemprek kehang asong dokok apotsi nang kehang.
Hemprek alam aphan kali Karbi Anglong kachingthur alam aphansi nang kehang chot lasi ahok pet alamke non kevangji Pre 5 arni si ahokpet alam chinipo lasi kado kave arat atum kevangji apor ahut HSDC asong along kacherap kacheto dun pet pen Hemprek kehang asong kepangtangji aphan choningri la ansi Karbi atum akisung jok unpo puta Dr. Rongpi jai.

Leave a Reply

Your email address will not be published. Required fields are marked *

October 2018
M T W T F S S
« Sep    
1234567
891011121314
15161718192021
22232425262728
293031  
Archives