ADVERTISEMENT

This area is available for advertisement. Please contact for details.

Arnivang
Get Adobe Flash player

Nomati MAC cup football kapathu kecheng

DENARONG/DOKMOKA, Pre 2: Denarong Bharat pathu aklam along pini arnikangsam porphai kethom pen chengsi Nomati MAC cup football kapathu kapangcheng. Kapathu kecheng arni KAAC deputy chairman Ritesh Inghi alohi sarpo aman pen chetong dunsi ingpu lo anparta man-peng alohi pen Howraghat block mondol meiphu Probin Teron, KASA dun meiphu Borsing Kro, Parakhowa LAMPS chairman Manik Rongpi, state counselor Komola Teronpi atum apor ateng pen chetong dun.
Kangpu amai along deputy chairman kejaike, MAC Cup ke ilitum a polling station tin kapathu kethekser abangphu atum avarsai kelong ke state sorkar ajakong nang kacheharjak dun pensi sai deng lo. Laso kapathu kachingrum penta ilitum isi mesen ning isi angthek lo.
Pini kechengsi kapathu Dengaon High School PS L/W pen Okereng PS L/W angbongsi chepho lo. Kapathu kechengsi angkung kapathu along hin-hin aterank pathu bangphu atumta kethekser-sar ajok goal ipum ta chethap un-eh det lo. Pathu sangdet pen ingkung hini kecheng pen minute 15 kechok ahut Ok-kereng aterank pathu bangphu Sarbong Inghi goal isi thap lo. Laso aphijong Ok-kereng aterank pathu bangphu Sem Rongphar ta goal ipum thap thu lo. Kapathu apor kipi ateng pen chetusi chepahaiji aphan bor-i lo seta Dengaon High School aterank pathu bangphu Mindar Ingti goal ipum ansi kethap un chot ajok chitu un-eh aprang kapathu apor jutkok lo. Kechengsi MAC Cup kapathu along Dengaon High School PS L/W aphan Okereng PS L/W pathu bangphu atum 2-1 pen parem detlo. Pathu esek Bisnu Terang, Romen Rongpi, Jiten Millik lapen Prosanta Bey atum pensi langchari dun. Pathu kangpu ahut nimarli atum penta arjumesen alun cheto parju.

Leave a Reply

Your email address will not be published. Required fields are marked *

October 2018
M T W T F S S
« Sep   Nov »
1234567
891011121314
15161718192021
22232425262728
293031  
Archives