ADVERTISEMENT

This area is available for advertisement. Please contact for details.

Arnivang
Get Adobe Flash player

Mrinal Saikia ajoine penle tiri jabang atum pen pajirpo kali:AGP

GUWAHATI, Pre 2: AGP atum aphuthak MLA Mrinal Saikia kaningje alam aphuthak AGP sodak pinremsi MLA Mrinal Saikia amoi kanglum aling kachepet dun a MLA mate amethang kechokche kachidipji MLA pusi arbok. Pini pachetak aloh pen AGP bidisar Tularam Gogoi kapangdak ke, AGP Oxygen ke-en pen MLA keman  Mrinal Saikia Oxygen kelongle ajoine chardak bomlo. Hor supari pen danglok Bi along anta syndicate keklemdun labangso a MLA kosonsi Assam amonit atum aning arlo alam kachinipo, Kedamtang aphurkimo heihui alam puthot pachini thu nanglangma pu thersi Assam kachesong pen Assamese akhei atum aning kipungbom apor ahut chelem-i nangne pusi ther. Khei kisung apor ahut methang jung jung ale aphan kachematha pen kejokvan adim kachepachongdam a MLA pen kacharli nangji ason ajat ta ave puta arboksi MLA Saikia asangho jongsi lapu-an hai pulote BJP tiri ameiphu Amit Sah adung dampen Citizenship Amentment Bill, thedung langroi keteng, Assam along lang kanglum lapen langroi longle kanglem heihui aphuthak chingki damnoi. Jongsi joi joi pen kapathi do pulote tangte joi joi pen kapathi atum alam Mrinal Saikia si chini pamelo. BJP tiri jabang atumsi AGP pen pajirpoji pu alam kaningje Mrinal Saikia penle kilik kapajirpo kali laso alam MLA Mrinal Saikia ning kachibi kenangsot puta pachetak aloh along pangdak.

Leave a Reply

Your email address will not be published. Required fields are marked *

October 2018
M T W T F S S
« Sep   Nov »
1234567
891011121314
15161718192021
22232425262728
293031  
Archives