ADVERTISEMENT

This area is available for advertisement. Please contact for details.

Arnivang
Get Adobe Flash player

Lumbajong alongta Swahid Kushal Konwar Bridha Pension Achani kangpu

DIPHU, Pre 2: Pini India det apo Mahatma Gandhi mahang kethek arni pacheton dunsi Assam along kaprek-kaprek adim along special gram sabha amai kapangni lapen rong-rup arlo kangthur ponji aphan akemang pen Swahid Kushal Kunwar Bridha Pension Anchani ingpu. Assam angkangpi apharman pini Assam chief minister Sarbananda Sonowal si kangpu. Laso ahut minister Himanta Biswa Sarma pen danglok ongdung minister lapen MLA atumta chetong dun. Lasonsi pini Karbi Anglong along setame kaprek-kaprek block asaikam atum patirpisi laso a scheme ingpu. Lumbajong block alongta VDC Chairman Lorence Ronghang si kangpu. Diphu Lumding kacheleng atovar 5 kilu community hall along VDC chairman Lorence Ronghang kachari amai along KAAC a EM Raton Teron, BJP state dun meiphu Longki Phangcho, ok-pran kelang asaikam pen joint director of health services Dr. Kareng Rongpipi, forest asaikhi atum lapen Lumbajong block JE Uttam Tokbi atum chetong dun. Mai along pini Mahatma Gandhi mahang kethek arni apharman alangli kai alamo aphuthak than pajirmi lapen thengpi-thengprang keraikom pen ilitum aphan akerap kelong lapen longri kapaklarji along akerap kelong anparta kedo-kethak kachepangthir pen e-ok epran aphan keme aphuthak kachetong dun. Forest asaikam asaiphu pen ok pran kelang asaiphu atumsi rong arat aphan klardak pen than pajirmi. Laso aphi India adet along kachari prime minister Narendra Modi kangthirjir alongri kapamanji aphan kedeng asai lapen ason-ason a scheme kedeng pen sai keklem-kedam amo heihui aphuthak anparta pini chief minister Sarbananda Sonowal kangpu Swahid Kushal Kunwar Bridha Pension Achani asai ajaimek rat aphan live telecast avarsai pen paklanglo.

Leave a Reply

Your email address will not be published. Required fields are marked *

October 2018
M T W T F S S
« Sep   Nov »
1234567
891011121314
15161718192021
22232425262728
293031  
Archives