ADVERTISEMENT

This area is available for advertisement. Please contact for details.

Arnivang
Get Adobe Flash player

Lang keso kikip alamki netum angbong chepangsamdet aphi ame nangkapakar dunthu ke ningduk lo: Mili Teronpi apo

imageDIPHU, Pre 2: Inut arta kangduk a-ospi aphan lang keso kip-lun pu alam ajahak birta aloh lapen electronic  media along kapachethang alam aphuthak pini halabangso a osopi apo pherangke amai kepha. A-osopi apo Chandrasing Teron pherangke amai along kaningje ke, neli sopi Mili Teronpi arta ningkan 11 aphan ladak nelitum chepho-chero mate hem isivet pusi EM barim Alice Ingtipi ahem chobi dunlo. Alanglitum penta hem aso-asa asai anke nangrap thekpo lapen school ta toidunpo pu kachithik atengsi nelisopi aphan school ta toidunlo. Lasonsi dodun bom thakdun bomlo setame kedamtang Chiti niphai 23 arni ladak neli tipi pen masapso kachetonte mate kechokche dokok ajok lang keso kikip ahut nelisopi aphanta ropon klok lo. Laso aphi nelita kachijinso duk ajok majok aphanta parju tekangke detsi neli sopi aphan Zirikindeng rong an chepon detlo. Neli kamatha tong thekthe det ajok majok aphanta parju tekangke det abangke nilita asapso kechokche dokok ason mandetlo voiphi setame rong asar, rong arat kethe-kiding lapen ladak pen neli ik atum nangchetong dunsi kado kave chingvai rapsarlo lapen don-rap kachijinso angbong keso kachelangji aphanta alanglitum sika lakh isi ra suri thongkep atangka nangpajirlo. Laso atangka nangkipi ahut  rong arat atumta nangthek dunlong pronglo. Halabangso arni amatasi don-rap hijan angbongsi alamta chepangsamlo. Setame Kheroni anatthu pen Biren Inghi pu inut abangphu neliphan nang-arjuje pin pen nelisopi aphan lapen nelihem asor aphan arjutap-arju pruisi paper media along anta pachethang dutlo. Nelitum don-rap angbong alam chepangsam det aphita puthot ame nangkapakar dunthu abangke ningduklo. Lasi kevangji arni laso alamki pen kapachethang tapte aphuthak puthot ame kapakarke detji aphansi kado kave aphanta choningrilo pusi a-sopi apo Teron asangho ningje.
Halapu ahem kachobi ponvek ahemphu atum mate Lunse Milik pherangke athengno kaningje ke, laso alamki dodet aphi nelitumta seh kachelangji aphan tongsekot sai dengsi Zirikindeng an ahem dam pen tangka rapdunsi seh langlo. Setame laso atangka apo-apei aphan kebang pusi ajahak atum akoi nangpilo. Laso atangka kapajir ke neli kebang aphan kali a-osopi aphan seh kachelangji aphansi kipi lapen atangka kipi ahut ta rong arat atum nangthek dunlongprong lo. Lasi apo-apei aphan tangka pen kebang pu akoi nangkarvak ke pachobai puta Milik asangho ningjesi laso alamki aphuthak neliphan inut Biren Inghi pu abangphu sika lakh isira suri phokep atangka inut Raju Yadav pu abangphu aphan nangpahang lo. Laso atangka nangpipe pulote pachethang etji pu Inghi asangho kipu do. Lasi laso atangka alangli kelongle det ajoine tong lahai kapachethang tap varet loma puta honthe meme asonlo pusi Milik asangho ningje.
Pini a-sopi apo pherangke amai kepha ahut hadak rong asar Babu Bey, Sorkari rong asar Hemari Terang, Rajesh Ingti lapen Gobin Routh atumta chetong dun.

Leave a Reply

Your email address will not be published. Required fields are marked *

October 2018
M T W T F S S
« Sep   Nov »
1234567
891011121314
15161718192021
22232425262728
293031  
Archives