ADVERTISEMENT

This area is available for advertisement. Please contact for details.

Arnivang
Get Adobe Flash player

Kopili aroi along kanglimchok penanso kithi arpum kelong

VOTHATLANGSO, Pre 2: Baithalangso Police station kaparlo mate Bithung Rengthama constituency angkang Nam Taradubi Bali Kuchi arong along Kapili aroi along kanglimchok penanso atum kithi arpum longlo. Kedamtang Chiti niphai 30 arni Labanya Bordoloi pu abangphi Kapili aroi along lang kachinglu ahut men-men inglim choklo. Laso ahut apenan Ajoy Bordoloi ta kerap dunji aphan pura lang along kechon dunplung ajok bang hini ta lang arlo inglim choklo. Laso aphi hadak rong arat, police lapen SDRF atum kiri asai dengphit lo setame alanglitum aphan longle detlo. Puthot arni Pre isi arni ajo jirlo apor lang kejangvek adim adunghetsi alanglitum kithi arpum kanglang ansi theklong lo. Kopai kelangno pen apran kedam rappet atum asomar arta ningkan pli pinso aso inut lapen chiklo jon sirkep arlososo inut aphan chepamo tekanglo. Alanglitum apran kedamji aphuthak hadak arat atum mekri-mek lang pen ning chepa-oi. Halapu CEM Tuliram Ronghang ahem along humri damsi birta enlo lapen ningduk chipisi masapso kerap pajir tekang.

Leave a Reply

Your email address will not be published. Required fields are marked *

October 2018
M T W T F S S
« Sep   Nov »
1234567
891011121314
15161718192021
22232425262728
293031  
Archives