ADVERTISEMENT

This area is available for advertisement. Please contact for details.

Arnivang
Get Adobe Flash player

Samelangso block angkang PMAY-G ahemso hum 552 angbong humsi 61 vetlang ketang

Den Arong, Chiti 30: 16 Nomati Constituency VDC kaparlo angkang along mesen pen PMAY-G ahemso kikim kerang kapatangpameji aphan block a chokamar Dhirensing Terang pen Omio Baglari atum arpu deng pen kado kave hum 60 angbong pen hum 7 anvetlang ketang.
Langhin angkang aphan ke M. Upaidhia S Basumatary, Silen Terang, Joysing Singnar lapen Miji Ingleng atum kado kave hum 122 pen hum 3 vetlang ketang. Korkanthi Constituency angkang apharman kado kave hum 280 angbong pen hum 12 ansi tang chotlang.
Kelangchari dunji aphan arpu Sonasing Hanse, Borsing Kro, Anima Phangchopi, Tarzen Rongphar, Anu Boro, Dayananda Ingti, Ajay Basumatary, Waising Deka lapen Goutom Kr. Biswas atum aphansi pek lo.
Mahamaya Constituency angkang VDC Chairman Longsing Tokbi kelangchari dun pen kadokave hum 90, laso angbong pen hum 38 anke chepatang lo, ladak Kadom Rongpipi, Borsing Ingti lapen Khorsing Kro atum pensi kikim rang lo.
Nomati, Langhin, Korkanthi lapen Mahamaya constituency pli pangrum pet pen hum 552 angbong an kikim kerangji aphan hodai lo. Seta lason angbong nonputa hum 61a PMAY-G ahem ansi kikim kerang patang chot lang. Laso angbong pen Mahamaya VDC chairman Longsing Tokbi alangli helo hem kikim kapatang ke-ongnei. Kaprek atum ke atangka non puta kapangte det ke ningduk meme binong lapen ratpangri atum pen kelang kapangching dun nangji akenangsot dokok asonsi thek long.

Leave a Reply

Your email address will not be published. Required fields are marked *

October 2018
M T W T F S S
« Sep   Nov »
1234567
891011121314
15161718192021
22232425262728
293031  
Archives