ADVERTISEMENT

This area is available for advertisement. Please contact for details.

Arnivang
Get Adobe Flash player

NITI AAYOG one time special package along kapanglim: Youth Congress

Diphu, Chiti 30: Pini Karbi Anglong District Youth Congress lapen Assam Pradesh Youth Congress atum chelangsi arnikangsam porphai 3:30 apor Karbi Anglong District Congress Committee asaihem along pherangke amai pangni.
Pherangke amai along Assam Pradesh Youth Congress a pachethang chunbang Longkiri Teron pen akoi kipi ke, Karbi Anglong aphan tiri ratpangri pen kedamtang 2015-16 aningkan NITI AAYOG one time special package atangka Sika crore 94.11 atangka nang pale lo. Laso ateng Karbi Anglong Autonomous Council pen patirpisi Karbi Anglong arongsopi Diphu along pathu aklam, Donkamukam along pathu aklam lapen Hamren central Community Hall kim lo. Seta sai keklemji aphan kapathik aron ateng kali, athe ningkan isi angbong patang nangji pusi aron do seta ningkan isi angbong patang thekthe det lo. Seta UC kelo along ke kado kave asai tang et lo pusi jong dun, bonta ahokpet ke pini arni anta sai klem bomsi thek long.
Donkamukam along kaselamji aphan pusi MAC Mongal Sing Timung asopo Umtang Timung aphansi contract pi lo. Seta manghumeme alam ke Umtang Timung alangli ke Diphu Civil Hospital along inut a doctor. Lasi inut ratpangri a chokomar keklem bom abangphu aphan lapuson contract kipi ke koso aron pen lo pusi arju.
NITI AAYOG one time Special package pen keklem asai along akechokche thetan do puta Assam Pradesh Youth Congress pachethang chunbang Longkiri Teron jai. Lasi lahai kado kave alam aphuthak Karbi Anglong Autonomous Council atum prapjin pen lamklar chipi nangji. Jongsi chipipe pulote Youth Congress atum pen sodak kachesong asai dengji puta pherangke amai pen ther.
Pherangke amai along Karbi Anglong District Youth Congress ameiphu Sukursing Kro ta chetong dun.

Leave a Reply

Your email address will not be published. Required fields are marked *

October 2018
M T W T F S S
« Sep   Nov »
1234567
891011121314
15161718192021
22232425262728
293031  
Archives