ADVERTISEMENT

This area is available for advertisement. Please contact for details.

Arnivang
Get Adobe Flash player

Hanjanglangso along BJP amaipi kapangni

Diphu, Chiti 30: BJP Bokajan Block Mondal atum patirpisi pini arnikangsam porphai 3 apor Hanjanglangso Indor Stadium ahem along Borjan lapen Sarupathar Constituency hini apharman Pristha Pramukh aloh keron amai pangni.
BJP East Karbi Anglong District Committee ameiphu EM Roton Teron kachepahemphu amai along alohi sarpo aman pen BJP Assam Pradesh ameiphu Ranjit Das, EKA Dr. Amya Kr. Bhuya, dun meiphu Rolen Killing, MLA Dr. Numol Momin, KAAC chairman Longki Timung, EM Jagat Sing Ingti, EM Madhurjya Dhekial Phukon, MAC Mukut Mahanta, state BJP klembang Soneswar Mech lapen Block along keklem kaprek kaprek aro arim ajabang atumta mai along chetong dun.
Mai kepha alam Block Mondal chunbang Lakhiram Rongpi pensi than pajirmi lo. Mai along chetong dun alohi atum BJP atum keklem kedam kemesen ajok penang an kachingthur pen chenglok penang alam pen kaprek kaprek avarsai pajir bom lo pusi mai along chethan.
Laso aphi Borjan lapen Sarupathar Constituency hini atum aphan Pristha Pramukh appointment aloh BJP state ameiphu Ranjit Das arideng pensi pajirsi mai mesen pen pachun lo.
Pini amai along VDC chairman Sonjit Lekthe, VDC chairman Krist Rongphar, VDC chairman Riso singnar lapen kaprek kaprek man kedo atumta chetong dun.

Leave a Reply

Your email address will not be published. Required fields are marked *

October 2018
M T W T F S S
« Sep   Nov »
1234567
891011121314
15161718192021
22232425262728
293031  
Archives