ADVERTISEMENT

This area is available for advertisement. Please contact for details.

Arnivang
Get Adobe Flash player

Kaprek-kaprek ratchari asong pen suri sose armu AGP asong along chepa-ok dunji

Pini Diphu along AGP songja atum chetong dunsi klembang amaipi ingniji

BAKALIA, Chiti 29: Kevangji 2019 aningkan kedoji Lok Sabha kilik apharman detpi arlo akethe akibi ratchari asong atum methang methang asong ajakong chepherang bomlo. Lasonsi Karbi Anglong along setame BJP, Congress pen danglok ASDC, HSDC, CPI(ML) atumta jakong chepherang bomlo. Non jakong kache harjakbom BJP asong atum long-eh kesom pen danglok ason kachingthur asai kedeng kangpu paklangsi vote apharman rat atum aphan aning runglo. Lapuson apor ahut Inglong alongri along AGP atumta jakong kachepherangji aphan pura Chiti 30 arni AGP jabang atum Diphu arongsopi along hirdamji lapen Diphu club along AGP Diphu, Bokajan  lapen Hamren district Committee angbong klembang amai ingniji. Halabangso arni adap porphai sirkep apor AGP Diphu District Committee ameiphu Samsing Kro lama ingthursi sai angdeng pangchengji. Laso aphi porphai kre isi apor AGP tiri ameiphu mate Agriculture minister Atul Bora jalinsi Diphu Circuit house pen Diphu club an chingrumpet jutang armu chejeng doji. Klembang amaipi ingnine aprang kaprek-kaprek ratchari asong pen suri sose armung AGP along chingbe dunji pusi isi angkrak pen birta longdun. Chiti niphai 30 arni kapadoji klembang amaipi along meiphu Atul Bora alohi sarpo aman pen chetong dunji anparta man peng pen Chief Minister barim Prafulla Kumar Mahanta, Minister Phanibhuchan Choudhory, Keshop Mahanta, sankur chunbang Dr. Kamalakanta Kalita, MLA Prodip Hazarika, bidisar Dilip Bora, Dima Hasao Autonomous Council (DHAC) CEM barim Debojit Thaosen pen danglok ongdung jabang atum chetong dunji.

Leave a Reply

Your email address will not be published. Required fields are marked *

September 2018
M T W T F S S
« Aug   Oct »
 12
3456789
10111213141516
17181920212223
24252627282930
Archives