ADVERTISEMENT

This area is available for advertisement. Please contact for details.

Arnivang
Get Adobe Flash player

Howraghat College along Freshmen Social & Cultural kapaman

Diphu, Chiti 29: Pini Howraghat College along Freshmen Social & Cultural Programme kapaman.
Laso ajaimek along alohi sarpo aman pen Karbi Anglong Autonomous Council higher Education EM Jagat Sing Ingti alohi sarpo aman pen chetong dun. Mai along KAAC EM Khonsing Rongpi, rat asai klembang Rajen Borah, Borsing Timung,  Purno Probha Borah, Komola Teronpi atum chetong dun.
Howraghat College a Principal Taj Uddin kachepahemphu amai along charli osomar atum pen kilun kekan paklangsi ning arong chipi.
Mai along alohi EM Jagat Sing Ingti kejai ke, non ke technological lapen kachepate apirthe, seta itum a district along kacharli ahin penang an katora dolang, lasi lahai pen ilitum kachesong nangji do-oh lang lapen prapjin pen lahai akatora pen chepajoksi kacharli ahin paprang dun thek nangpo puta alangli jai tekang.
Lahai katora pen kachepajokji aphan ke ilitum a district along mesen kacharli atemon do nangji. Laso atemon kevangji arpu ke thanbang lapen charli osomar atum alongsi dolo. Lasi thanbang lapen charli osomar atum angbong kaike ta isivet asonsi donangji puta alangli jai.
Kachepangthir et nangji aphuthak KAAC Medical EM Khonsing Rongpi jai, laso ahut alangli kejai ke, methang ahavar kachepangthir nangji ke anuttin amonit akeme arpu lo. Lasi college ahumtin along plastic pen kejokvan avaikangsi pinchong nangji pusi EM Khonsing Rongpi than pare tekang.

Leave a Reply

Your email address will not be published. Required fields are marked *

September 2018
M T W T F S S
« Aug   Oct »
 12
3456789
10111213141516
17181920212223
24252627282930
Archives