ADVERTISEMENT

This area is available for advertisement. Please contact for details.

Arnivang
Get Adobe Flash player

Don-rap kachelang lokji aphanle kilik kithur dun kali, keboidet arat kapachingthurji aphansi kithur dun: MAC HS Bey

Chepardunron MAC Horensing Bey Constituency kahumri

imageJENGKHA, Chiti 29: MP kilik apharman lapen ratpanbgri pen nangkelo ason ason kachingthur a scheme heihui rong rup arlo kosonsi keklem kedam pen pachingthur nangjima heihui aphuthak athepi ensi kedamtang Chiti niphai 11 arni pen chepardunron 5 No, Rongkhang Constituency arlo MAC Horensing Bey humri bomlo. Lason thak thaksi pini  Bivopi Left-Right Wings Polling Station along humri damsi Baithalangso Govt. LP school pathu aklam along mai pangni.  Sarhon Tisso kachepahemphu amai along Harsing Rongphar mai kepha alamthe jai. Laso ahut KAAC Chairman barim mate Rongkhang constituency MAC Horen sing Bey, Rongkhang constituency VDC Chairman Dinendra Bordoloi, Rongkhang Mandal committee ameiphu Prodeep Rongpi, Mohila Morcha ameiphi Rani Kramsapi, Khorsing Terang, West Karbi Anglong District Mohila Morcha ameiphi Purnima Kramsapi, Baithalangso LAMPS chairman Robinson Teron pen danglok Rongkhang constituency BJP along kacherap dun jabang atum chetong dun.
Mai along MAC Horen sing Bey pen kaningje ke BJP aratpangri atumke keboidet arat aphan methang pen charjap thek nangji pusi akemang lapen bangso aratpangri ke kiduk -kelak arat aphan “Parivartan”ahongklam along an kengkam kapachejorji aphan akemang lasi Prime Minister Narendra Modi, Assam Chief Minister Sarbananda Sonowal lapen Karbi Anglong District pen CEM Tuliram Ronghang atum kejalin BJP aratpangri ahin pen kedeng a sheme heihui rong-rup arlo lema lelema aphansi constituency kahumri asai kedenglo pusi ningje. MAC Bey asangho kejai thuke don-rap, chepho-chero kachelang aretji aphanle MAC kilik kithur dun kali keboidet arat atum aphan sorkar ahin pen nangkelo akhi adat kerapji lapen rong-rup kapachingthurji aphansi kemang puta alangli ningje.
Ningkang 15 angbong congress aratpangri chari ahut keboidet arat atum aphan thangnat mesen kerap-kapajir ave puta MAC Bey asangho akoi pisi BJP atumke keboidet arat aphan chongthui longle lapen chongthuithe puta ningjesi labangso Constituency kahumri asai kedeng lake 28 Polling stations along local committee meiphu pen chunbang atum methang asai amo cheklem ma cheklem klema anprta sorkar pen nangkepale scheme heihui aphuthak rat aphan trhan pachini pen kosonsi keklem kedam nangjima aphuthaksi kahumri asai kedeng pusi ningje.

Leave a Reply

Your email address will not be published. Required fields are marked *

September 2018
M T W T F S S
« Aug   Oct »
 12
3456789
10111213141516
17181920212223
24252627282930
Archives