ADVERTISEMENT

This area is available for advertisement. Please contact for details.

Arnivang
Get Adobe Flash player

Bang 4 charli abangphu bangphi atum aphan amen kachethap along KSA kerap dun

DIPHU, Chiti 29: Abangphu bangphi tin atumta loh kethek kenangsot pu apor ahut Mijung ahavar pen BA, MA asatlang ki-un dun abang ave pinlang lake isi ningduk meme alam. Lasi kacharli ahin kapaprang ponji aphan mangsi KSA Diphu District Committee pen havar kedo kacharli aning kehang ariso-ejang atum aphan pangrumsi matric asatlang ki-un dunde atum aphan puthot kapacharli thuji aphan pura Diphu Pali Vidyalaya School along bang pli abangphu bangphi atum aphan amen kachethap along rap dunlo pusi KSA Diphu District Committee ameiphu Jonasing Bey pangdak. Pachetak aloh pen meiphu Bey asangho kapangdak thuke pini KSA pen kerap dun bang pli atumke Rensing Kramsa, Sunil Kramsa, Romen Kramsa lapen Charne Phangchopi atum aphan henlo. Laso ahut KSA Diphu District Committee pen dun meiphu Rensing Bey, chunbang Semson Phangcho, Tari Adong L.P School thanbang kehoi Sarthe Phangcho lapen Diphu Pali Vidyalaya principal Dr. Lakhya Hira Shyam atum nang kacheto dun aphuthak chorolo pusi meiphiu Jonasing Bey pangdak.

Leave a Reply

Your email address will not be published. Required fields are marked *

September 2018
M T W T F S S
« Aug   Oct »
 12
3456789
10111213141516
17181920212223
24252627282930
Archives