ADVERTISEMENT

This area is available for advertisement. Please contact for details.

Arnivang
Get Adobe Flash player

Tadolangso along Meghalaya asor long-eh nang kesom

HAMREN, Chiti 21: Assam state West Karbi Anglong district pen Meghalaya ahoi along kedo ahoi anujok (Pillar) ke-eh tang adim pen kilometre hini an Khasi-Pnar atum nang kekap angthek non majok ta kethek dunde pin apor ahut Langhemphi adung Tadolangso along an long-eh nangsom tan.
Haladak kedo penang-an cheroktok arat jasemet Socheng-Amreng Border Development Adhoc Committe (SABDAC) ameiphu Augustine Hanse pen chunbang Nivel Phangcho atum jalinsi Meghalaya pen nangke-eh kanghu along-eh aphuthak atumi theman arni rat thurpak chesongsi phurjok lo. Laso aphi bangso a long-eh aning kipung pen panghang etsi ahoi binong mate India Survey atum pen keplaktang Assam pen Meghalaya ahoi binong along ansi ponthu lo.
West Karbi Anglong ahoi kedo arat atum thek-an pen Karbi Anglong alongle chimun isita Meghalaya asor kapaparlo longle detji aphan bor-i dun lo. Ahoi aphuthak kai amatsi chesong bom lo lapen angthin chepathesi kisung-keboi penta dothip lo. Bonta adui-ahoi alamki aphuthak Assam ratpangri pen karjapthip lapen emethang KAAC kachari CEM, EM lapen hamphang asong atum kachesong kave det ajok ahoi arat atum kaningri, kachiru kacharnap jutje pin seta nonpu anta plakvet pen ning ingsamjin kaboche longke avedet lo. Lasi Karbi Anglong Autonomous Council atum ahoi aphuthak prapjin pen kapathir pameji aphan ahoi kedo arat choningri.

Leave a Reply

Your email address will not be published. Required fields are marked *

September 2018
M T W T F S S
« Aug   Oct »
 12
3456789
10111213141516
17181920212223
24252627282930
Archives