ADVERTISEMENT

This area is available for advertisement. Please contact for details.

Arnivang
Get Adobe Flash player

Rongkhang constituency along arnisivet don 71 atum BJP along kachingbe dun

MAC Horensing Bey chepardun ron constituency chihumri bomlang

DIPHU, Chiti 21: MAC Horensing Bey jalinsi Rongkhang constituency BJP jabang atum pen chepardun ron kaprek-kaprek poling station along kahumri asai dengbomlo. Non kevangji MP kilik ahut Rongkhang constituency pen kosonsi BJP ajakong chepherang unjima lapen government pen nangkele scheme hehui kosonsi keklem kedam pen pachingthur unjima aphuthak mai pangnisi chethan chemum pado bomlo. Lapuson kachethan kachimum amai kangni ahut kaprek-kaprek poling station kaparlo abangphu bangphi atum MAC Horensing Bey aphan ning kachethe lapen BJP asong kechari-kachalon keme theklongsi Congress pen danglok kaprek-kaprek asong pen BJP along chingbe dun bomlo. Lasonsi pini MAC Horensing Bey jalinsi alanglilong kacherap dun ajahak BJP jabang atum cheto dunsi palongni adim humri damlo. Kechengsi todap adap porphai 11 apor Satgaon Tillapara along mai pangni dam. laso ahut Satgaon no. 1 lef-right polling station kaparlo pen bang 40 abangphu bangphi atum BJP asong along chingbe dun. laso aphi arnikangsam apor puthot Satgaon Mouzadar arong alongta mai pangni dam. Laso ahut MAC Horensing Bey kejaike CEM Tuliram Ronghang kejalin team Karbi Anglong pen dode sangse kachingthur asai keklem ajoine pini central pen state ratpangri scheme heihui nanglelo lapen lahai a scheme nanglitum along anta nangle bomlo lasi kevangji arni setame nin isivet dopen kachingthur asai keklem-kedam asong along cherap cheto dunsi longri kapachingthurji aphan klem nangpo pusi MAC Bey asangho ningje.

Leave a Reply

Your email address will not be published. Required fields are marked *

September 2018
M T W T F S S
« Aug   Oct »
 12
3456789
10111213141516
17181920212223
24252627282930
Archives