ADVERTISEMENT

This area is available for advertisement. Please contact for details.

Arnivang
Get Adobe Flash player

Rajen Rongpi lapen apo pen apai aphan karcho

DIPHU, Chiti 21: Asian Pacific Masters Games along javelin kechor along kethom angdeng anong-eh kelong Rajen Rongpi ahem along pini porphai 10 apor Rajen Rongpi, asarbura Lokheswar Rongpi lapen apai Basapi Terangpi atum aphan ningkangsam pen rong amekar atum karcho. Bokajan sub division kaparlo Hanjanglangso, Langteng Langtuk Rongpi arongsi alanglitum boha pathir lo. Pirthe kahache along apun-achak nang kapaman apei-po ajakong-horang pen ahirjume nang kipi henlo, lasi man-peng kachepi thek akenangsot pu mangsi hem isi aphan karcho asai deng lo pusi Rajen Rongpi arisangho atum ningje. Malaysia adet Penang along pen mesen pen hem nang chele lo, lake arnam ahirjume lapen don-rap lapen jirpi-jirpo atum ahirjume lo.
Pinpurme, Rajen Rongpi asarbura ke thanbang barim lo lapen alangli kapathu anat aning kehang pik abangphu. Alangli ingtangchit ahut football kapathu thekser abang lo lapen itip kitur pen ball kapaphuk ajok Hanjanglangso avaikang chethang lo.
Malaysia Penang along kibi Asian Pacific Masters Games along chir kejor along ingdeng kethom a nong-eh long dun pen Karbi Anglong aphan mesen anong-nam nang van lo. Pini Rajen Rongpi akorte atum, angjir, atipi, asopi, asopo lapen don-rap atum pen apor keme mate arani keme arni choran eh san chorap petsi a ning chepa rong rinti.

Leave a Reply

Your email address will not be published. Required fields are marked *

September 2018
M T W T F S S
« Aug   Oct »
 12
3456789
10111213141516
17181920212223
24252627282930
Archives