ADVERTISEMENT

This area is available for advertisement. Please contact for details.

Arnivang
Get Adobe Flash player

Khatkhati along aronre pen Madrasa kikim khangdun nangji: KSA, SYC, AJYCP

Diphu, Chiti 21: Khatkhati Police Station adung Khatkhati Tila Bosti along kikim bom Madrasa Institution ke aronre pu jong dunsi KSA, SYC, AJYCP atum SDO (Civil) arideng pinpur aloh pajir dam.
KSA, SYC lapen AJYCP atum kapajir dam a pinpur aloh along kejong dun ke, Khatkhati Tila bosti along kikimji Madrasa Institution kikimji aphan Karbi Anglong Autonomous Council aphan thangta pachinine lapen NOC en-eh. Lasi laso Madrasa kikim ke aronre binong lo.
Madrasa ke isi dhorom school mate ahem lapen rat ale longle anparta Khatkhati along Madrasa kikimji akenang ave athe ladak kedo ke-ongdung ahemtun atum ke Muslim kali. Lasi laso ahavar along kikim bom Madrasa ke kipri nangji, non amat aronre kikim khang dun nangji, kosonsi laso a Madrasa ladak nang kikim longlok ma tarlip nangji pu heihui alam jong dun.
Lasi Karbi Anglong ahamphang kapamesenji aphan aronre kikim bom Madrasa along kachejok dun serak pen kekhang dunji aphan KSA, SYC lapen AJYCP atum kahang paso.

Leave a Reply

Your email address will not be published. Required fields are marked *

September 2018
M T W T F S S
« Aug   Oct »
 12
3456789
10111213141516
17181920212223
24252627282930
Archives