ADVERTISEMENT

This area is available for advertisement. Please contact for details.

Arnivang
Get Adobe Flash player

Hini inglong a district kapangjephunji aphansi Dr. Momin keklem: ASDC, KSA, KNCA

Diphu, Chiti 21: Bokajan MLA Dr. Numal Momin keklem asai ajok BJP ratchari asong atum inglong a district Karbi Anglong pen North Cachar Hills aphan kapangjephunji asaisi keklem pu cheklang dak pusi ASDC, KSA lapen KNCA atum jong.
BJP atum akemang mentune ta pachun longle pusi Autonomous State Demand Committee, Karbi Students Association lapen Karbi Nimso Chingthur Asong atum pachetak. Tiri ratpangri pen ajirdingklui inglong arat akemang hemprek pachunche aprang BJP a MLA Dr. Numal Momin hini inglong a district along kedo akhei an a regional council seng nangji pu Governor aphan kido kapale pen BJP atum kopisi kamathama cheklang dak lo. Lasi lason alam keklang Karbi Anglong district hini arat atum aphan amek kapaprang akehang lo.
Sangh Parivar, VHP, Bajrang Dal, ABVP lapen kaprek-kaprek atum aphi karjap dun ave asonte Dr. Momin lapuson akido Governor aphan pale haihe detji apot lo.
Lasi Karbi Anglong arat do-an BJP ratchari asong pen chepahelo nangpo pusi Autonomous State Demand Committee (ASDC), Karbi Students Association (KSA) lapen Karbi Nimso Chingthur Asong pen pachini lo pusi ASDC pachethang aro klembangphu Kamalsing Bey birta pachetak.

Leave a Reply

Your email address will not be published. Required fields are marked *

September 2018
M T W T F S S
« Aug   Oct »
 12
3456789
10111213141516
17181920212223
24252627282930
Archives